મજબૂત મનોબળ:ભાવનગરના વેદાંત શેઠએ કોરોનાને મ્હાત આપી માઈન્સ 15 ડિગ્રી તાપમાને 9000 ફુટની ઉંચાઈએ ટ્રેકિંગ સર કર્યું

હાલ ભાવનગરમાં 10 ડીગ્રી ઠંડીએ સૌ કોઇ ઠુઠવાઇ રહ્યા છીએ ત્યારે ભાવનગરના શેઠ બ્રધર્સ પરિવારના વેદાંત શેઠ યુથ ક્લબ દ્વારા યોજાતા ટ્રેકિંગમાં વીન્ટર ટ્રેકીંગમાં ભાગ લઇ મસુરીથી 9000 ફૂટની ઉચાઇએ ભયંકર સ્નોફોલની વચ્ચે માઇનસ 15 ડિગ્રી સેન્ટીગ્રેડ ઠંડી વચ્ચે પર્વતમાળામાં 3 દિવસ ટ્રેકીંગ કર્યુ હતુ. હાલમાં 15 દિવસ પહેલા જ કોરોનાથી સાજા થયેલા વેદાંત શેઠનુ મનોબળ મજબુત હોય ને કોઇપણ ભોગે આ ટ્રેકિંગ પૂર્ણ કરવાનો દ્રઢ નિર્ધાર કર્યો હતો.

હજુ ચોથા દિવસે 12500 ફુટની ઉંચાઇએ ટ્રેકીંગ કરવાનુ હતુ. પરંતુ વધુ પડતી બરફ વર્ષા અને બરફના તોફાનને કારણે ગવર્નમેન્ટ તરફથી આગળ ટ્રેકિંગ કરવા જવાની પરમિશન આપવામાં નહોતી આવી.