ચૂંટણી:જિલ્લા સહકારી બેંકમાં ભાજપે એક બની સત્તા મેળવી કોંગ્રેસનો ભ્રષ્ટાચાર અને સગાવાદને કારણે સફાયો, ભાજપને 13 કોંગ્રેસને 3 બેઠક મળી

ભાવનગર5 મહિનો પહેલા
  • કૉપી લિંક
ફાઈલ તસવીર - Divya Bhaskar
ફાઈલ તસવીર
  • કોંગ્રેસના નાનુભાઈ વાઘાણી અને તેના પુત્રનો કારમો પરાજય, પરિણામ પછી કોંગ્રેસે કહ્યું પક્ષ ચૂંટણી લડતો ન હતો
  • મુદત વિતી મંડળીના સભ્યો મતદાન કરી શકે એવા કોર્ટના હુકમને કારણે ડિસ્ટ્રીક્ટ બેંકની ચૂંટણીમાં 68 મતો નિર્ણાયક બન્યા

ભાવનગર ડિસ્ટ્રીક્ટ કો. ઓ. બેંકની ચૂંટણીમાં કોંગ્રેસનો સફાયો થયો છે અને ભાજપે પૂર્ણ બહુમતી સાથે વિજયી થયેલ છે. 16 પૈકી 13 બેઠકોની ચૂંટણીમાં 11 ભાજપના અને બે કોંગ્રેસના ઉમેદવારો વિજયી બન્યા છે. અગાઉ ત્રણ બીનહરીફ બેઠકોમાં એક કોંગ્રેસ બે ભાજપને મળી હતી. આ ચૂંટણીમાં મુદ્દતવીતી મંડળીઓના સભ્યો મતદાન કરી શકે તેવો ભાજપે કોર્ટમાંથી હુકમ મેળવતા એ 68 જેટલા મતો ભાજપના વિજય માટે નિર્ણાયક બન્યા હતા. જો કે આ મતોને કારણે જ ભાજપે ઘોઘાની બેઠક ગુમાવી હતી. ડ્રિસ્ટ્રીક્ટ બેંકમાં છેલ્લા 20 વર્ષથી કોંગ્રેસના એક હથ્થુ શાસનનો અંત આવ્યો છે.

ભાવનગર ડિસ્ટ્રીક્ટ કો. ઓપ. બેંકની છેલ્લા 20 વર્ષથી કોંગ્રેસના સુત્રધારો યેન-કેન પ્રકારે ચૂંટણી થવા દેતા ન હતા. કાનુની મુદ્દાઓ ઉભા કરી ચૂંટણી રોકાવતા હતા. તાજેતરમાં થયેલી ચૂંટણીને રોકાવવા માટે પણ કાનુની દાવપેચ કર્યા હતા જે કારી ફાવી ન હતી.બેંકની ચૂંટણીમાં કોંગ્રેસના માજી ધારાસભ્યઅ અને પૂર્વ ચેરમેન નાનુભાઈ વાઘાણી અને તેના પુત્ર મનન વાઘાણીનો પરાજય થયો છે. જ્યારે કોંગ્રેસના સહકારી આગેવાન અને પૂર્વ ચેરમેન જયવંતસિંહ જાડેજાની પુત્રી ભાવનાબા ભાજપમાંથી વિજયી બન્યા છે.

આ ઉપરાંત ભીખાભાઈ ઝાઝડીયા, ગોવિંદભાઈ મોરડીયા અને ભાજપના દિગ્વીજયસિંહ પરબતસિંહ ગોહિલનો પરાજય થયો છે.ભાજપના પ્રદેશ ઉપપ્રમુખ મહેન્દ્રસિંહ સરવૈયા અને જિલ્લા પ્રમુખ મુકેશ લંગાળીયાની વ્યુહરચનાને કારણે ભાજપે વધુ એક સહકારી સંસ્થા કબ્જે કરી છે.

કોંગ્રેસ સગાવાદને કારણે બેંકમાંથી ફેંકાયુ
કોંગ્રેસના એક હથ્થુ શાસન ભોગવતા બેંકના કાયરેકટરો નાનુભાઈ વાઘાણી, મેહુરભાઈ લવતુકા અને મહાવીરસિંહ ગોહિલે આ ચૂટણીમાં તેમના પુત્રોને પણ ઉભા રાખ્યા હતા. આ સગાવાદમાં નાનુભાઈ અને તેનો પુત્ર મનન બંને ચૂંટણી લડતા હતા. કોંગ્રેસના કોંગ્રેસના અન્ય સહકારી આગેવાનો આ બાબતે નારાજ હોવાથી ચૂંટણીથી અલિપ્ત રહ્યા હતા. પરિણામે ‘હુ, તું અને રતનિયો’ ને કારણે કોંગ્રેસે જિલ્લા સહકારી બેંકની સતા ગુમાવી છે. જોકે ચૂંટણીના પરિણામો જાહેર થયા બાદ કોંગ્રેસ પ્રમુખ પ્રવિણ રાઠોડે કોંગ્રેસ પક્ષ આ ચૂંટણી લડતુ ન હતુ અને ધન - બળથી મત ખરિદાયાનો આક્ષેપ કરેલ છે.

ભ્રષ્ટાચાર થયો હશે તે કોઈને છોડીશુ નહી
જિલ્લા સહકારી બેંકમાં બે દસકાની સતા દરમિયાન ખેડૂતોનું અહિત કરી ભ્રષ્ટાચાર કરનારા અંગે તપાસ કરાશે અને કોઈને છોડીશુ નહી તેમ ભાજપના જિલ્લા પ્રમુખ મુકેશ લંગાળીયા અે જણાવ્યું હતું.

ચૂંટણીમાં કોંગ્રેસની હારના મુખ્ય કારણો

  • મુદ્દત વિતી બાકીદાર મંડળીઓને મત નહી આપવાના નિયમ સામે ભાજપે મંડળી નહી પણ તેના સભ્યો મત આપી શકે તેવો કોર્ટમાંથી હુકમ મેળવતા કોંગ્રેસને તેનો ફટકો પડ્યો.
  • વર્ષો સુધી ચૂટણી નહી કરી કોંગ્રેસે એકહથ્થુ શાસન ભોગવ્યુ પણ ખેડૂતોનો વિશ્વાસ ગુમાવી દીધો હતો.
  • ચૂંટણીના ઉમેદવારોની પસંદગીમાં પણ કોંગ્રેસના સિનિયર સહકારી આગેવાનોની અવગણના કરી એન. સી. પી. ના ઉમેદવારોને પેનલમાં જોડ્યા હતા. અને ડાયરેકટરોએ પોતે અને પોતાના પુત્રોની જ ઉમેદવારી કરી હતી. પરિણામે કોંગ્રેસના આગેવાનો સક્રિય બન્યા ન હતા.
  • બેંકના પૂર્વ ચેરમેન જયવંતસિંહ જાડેજાની નારાજગીનો ફાયદો ઉઠાવી ભાજપે તેમની દિકરી ભાવનાબાને ટિકિટ આપતા કોંગ્રેસનો એક મોટો વર્ગ ભાજપ તરફી બન્યો હતો.
  • પટ્ટાવાળા થી માંડી અધિકારીઓ સુધીની ભરતીમાં કરાયેલા ભ્રષ્ટાચારનો આ ચૂંટણીમાં પડઘો પડ્યો. (કોંગ્રેસના વિવિધ સહકારી આગેવાનો સાથે કરેલી વાતચીત ના આધારે)

ડિસ્ટ્રીક્ટ બેંકનું પરિણામ

ક્રમમતદાન મથકઉમેદવારોના નામ
1(ક) ઘોઘાસુરજીતસિંહ મહાવીરસિંહ ગોહિલ12

દિગ્વિજયસિંહ પરબતસિંહ ગોહિલ

10
2(ક) તળાજાકાંતીભાઈ છગનભાઈ ધાંધલ્યા36

દિગ્વિજયસિંહ જીવુભા ગોિહલ

27
3(ક) મહુવાજીલુભાઈ હમીરભાઈ ભુકણ43

ભોજભાઈ નનકાભાઈ ભુકણ

15
4(ક) પાલિતાણાનાગજીભાઈ માવજીભાઈ વાઘાણી29

નાનુભાઈ વિઠ્ઠલભાઈ વાઘાણી

15
5(ક) ગારિયાધારકેશુભાઈ હીરજીભાઈ નાકરાણી20

ગોવિંદભાઈ વિઠ્ઠલભાઈ મોરડીયા

12

મનસુખભાઈ નાગજીભાઈ પટેલ

4
6(ક) સિહોરમાનશંગભાઈ દાનશંગભાઈ નકુમ22

દિલીપસિંહ જોરસિંહ પરમાર

18
7(ક) વલભીપુરઅજીતસિંહ વજુભા ગોહિલ19

વિનુભાઈ કુંવરજીભાઈ વઘાસીયા

13
8(ક) ઉમરાળારસીકભાઈ આંબાભાઈ ભીંગરાડીયા21

જયદેવસિંહ વિજયસિંહ ગોિહલ

10
9(ક) ભાવનગરભુપતભાઈ (ભોપા) જગાભાઈ બારૈયા21

ભીખાભાઈ ડાયાભાઈ જાજડીયા

16
10.(ક) ગઢડારવજીભાઈ જીવરાજભાઈ રાજપરા46

મોહનભાઈ પ્રેમજીભાઈ મૈયાણી

15
11.(ક) બોટાદદામજીભાઈ પ્રાગજીભાઈ મોરડીયા29

ચંદુભાઈ નાગરભાઈ અગોલા

16

અરવિંદભાઈ કરમશીભાઈ સલીયા

2
12.(ગ) ખરીદભાવનાબેન જયવંતસિંહ જાડેજા97
વેચાણ સંઘમનનભાઈ નાનુભાઈ વાઘાણી65
13.ઘ, ક, ખ, ગ સિવાયની મંડળીવલ્લભભાઈ આર. કટારીયા74
બાબુભાઈ ઉકાભાઈ સોલંકી16

ભગીરથ રાજુભાઈ બેરડીયા

2

​​​​​​​

અન્ય સમાચારો પણ છે...