તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

નવતર પ્રયોગ:ભાવનગરમાં પ્રાથમિક શિક્ષણ સમિતિની શાળાઓના શિક્ષકો બન્યા પ્રકૃતિની પ્રેમી, સીડબોલ દ્વારા વસુંધરા ખીલવશે

ભાવનગર3 મહિનો પહેલા
  • શિક્ષકો દ્વારા 20 લાખ સીડ બોલ બનાવવાનો અંદાજ છે

ભાવનગર શહેરની ભરતનગરની પ્રાથમિક શિક્ષણ સમિતિની શાળા નંબર 76માં શિક્ષકોએ પ્રકૃતિની સેવા માટેનો એક અલગ જ સેવાયજ્ઞનો પ્રારંભ કર્યો છે જિલ્લા શિક્ષણ તાલીમ ભવનના પ્રોફેસર રહેલા કિશોર ભટ્ટના માર્ગદર્શન નીચે સીડ બોલ બનાવવાનું કામ શિક્ષકોએ આદર્યું છે. જેમાં શિક્ષકો સીડબોલ બનાવી રહ્યાં છે. જેથી પ્રકૃતિનું આગામી દિવસોમાં ચોમાસામાં જતન કરી શકાય.

સીડબોલમાં અલગ-અલગ વૃક્ષોના બીજ મુકવામાં આવશે

સીડબોલ એક માટીનો લાડવો છે એટલે કે એક લાડવા જેવો ગોળ આકારમાં બનાવેલો સીડબોલ જેમાં અલગ-અલગ વૃક્ષોના બીજ તેમાં મૂકવામાં આવે છે. અને બાદમાં તેનો લાડવો અથવા બોલ જેવું આકાર આપવામાં આવે છે. એટલે આમ કહીએ તો આ સીડબોલની અંદર એક બીજ હોય છે. જે બીજ ચોમાસા દરમિયાન જાહેર અવાવરું જગ્યામાં ફેંકવાના રહે છે જેથી કરીને જ્યારે પણ ચોમાસામાં વરસાદ આવે ત્યારે ત્યાં એક વૃક્ષનું નિર્માણ થઈ શકે અને વસુંધરા ખીલી ઉઠે.

શિક્ષકો શિક્ષણ સિવાયના સમયમાં બોલ બનાવી રહ્યાં છે

જિલ્લા શિક્ષણ તાલીમ ભવનના કિશોરભાઈ ભટ્ટને મુંબઈ ઇન્કમટેક્સના કમિશનર પતંજલિ ઝા દ્વારા સીડબોલ મશીન આપ્યું છે. જેનો ભાવનગરમાં પ્રથમ સદુપયોગ ભરત નગરની શાળા દ્વારા કરવામાં આવ્યો છે. શાળાના શિક્ષકો શિક્ષણ સિવાયના સમયમાં બોલ બનાવી રહ્યાં છે. આશરે 100 જેટલા વૃક્ષોના અલગ-અલગ બીજ આ લાડવામાં એટલે કે સીડબોલમાં નાખવામાં આવ્યા છે. જેમાં ગુલમોહર, કરંજ, લીમડો હોય તેવા પ્રકારના વૃક્ષોના બીજ મુકવામાં આવ્યા છે. તેવા અલગ અલગ જે પશુ-પંખીઓને પણ કામ આવે તેવા બીજ સીડબોલમાં સમાવેશ કરવામાં આવ્યો છે.

20 લાખ જેટલા સીડબોલ બનાવવામાં આવશે ભાવનગરની નગર પ્રાથમિક શિક્ષણ સમિતિની શાળા નંબર 76 માં અત્યારે સુધીમાં લાખો સીડ બોલ બનાવવામાં આવ્યા છે આમ જોઈએ તો 20 લાખ જેટલા બનાવવામાં આવશે, જેને આગામી દિવસોમાં ભાવનગર શહેરમાં અલગ-અલગ વિસ્તારમાં લોકોને એક પેકેટમાં આપવામાં આવશે. અને તેને અવાવરું જગ્યા ઉપર નાખવા માટેની એક પ્રેરણા પણ આપવામાં આવશે જેથી ચોમાસા દરમિયાન સીડબોલમાંથી વૃક્ષોનું નિર્માણ થાય અને પ્રકૃતિ એટલે કે વસુંધરા ખીલી ઊઠે તેવો પ્રયત્ન કરાયો છે.

25 કિલોમીટરના એરિયામાં સીડબોલ નાખવામાં આવશે

કિશોરભાઈ ભટ્ટનું કહેવું છે કે હાલ ભાવનગર શહેરના 25 કિલોમીટરના એરિયામાં સીડબોલ નાખવામાં આવશે. તેમજ જિલ્લામાં ડુંગરાળ વિસ્તાર જેવા કે જેસર, પાલીતાણા અને તળાજા જેવા પંથકમાં સિડબોલ નાખવામાં આવશે છે. તે ખાસમાટી, કેમિકલ અને ખાતરનું મિશ્રણ કરીને બનાવવામાં આવે છે. જેથી કરીને ચોમાસાના વરસાદ દરમિયાન એ બીજનું નિર્માણ થઈ શકે જો કે સીડ બોલ બનાવવાનું મશીન હોવાથી તેને પ્રક્રિયા સારી રીતે થઈ રહી છે.

દરેક વ્યક્તિ આ પ્રકારનું પગલું ભરે

ભાવનગર નગર પ્રાથમિક શિક્ષણ સમિતિના શાસનાધિકારી યોગેશભાઈ ભટ્ટે જણાવ્યું હતું કે ભાવનગર શહેરમાં સીડબોલનો પ્રારંભ તેમની શાળાના શિક્ષકોએ કર્યો છે જે સરાહનીય છે. વાવાઝોડામાં જે રીતે વૃક્ષો ધરાશાયી થયા છે. ત્યારે પ્રકૃતિને ખીલવવા માટે આજે 20 લાખ નહીં પરંતુ લાખો જેટલા સીડબોલ બનાવીને દરેક વ્યક્તિ આ પ્રકારનું પગલું ભરશે તો અમે માનીએ છીએ કે આગામી દિવસોમાં પ્રકૃતિ એટલે કે વસુંધરા જરૂર ખીલી ઉઠશે.

આગામી દિવસોમાં ત્રણ થી ચાર જગ્યાએ કામ શરૂ થશે

ભરતનગરની પ્રાથમિક શિક્ષણ સમિતિની શાળા નંબર 76ના આચાર્ય હરેશભાઇ રાજ્યગુરુએ જણાવ્યું હતું કે આગામી ચોમાસું આવે તે પહેલાં આ સીડબોલ બનાવીને ખુલ્લી જગ્યામાં નાખવામાં આવશે. તથા આગામી દિવસોમાં ત્રણ થી ચાર જગ્યાએ કામ શરૂ થશે. અને રોજના 60 થી 70 સીડબોલ બનાવવામાં આવશે.

અન્ય સમાચારો પણ છે...