પસંદગી:રાષ્ટ્રીય કક્ષાએ એનવાયરમેન્ટ કંઝર્વેશન યુથ કલબ કરશે ગુજરાતનું પ્રતિનિધિત્વ

ભાવનગર14 દિવસ પહેલા
  • કૉપી લિંક
  • 4 સિંગલ યુઝ પ્લાસ્ટિક વિરુદ્ધનાં કેમ્પેઈનમાં મહુવાની માનસી ઠાકરની પસંદગી

તા. 4 ઑક્ટોબરનાં ભારત સરકાર દ્વારા આયોજિત "આઝાદી કા અમૃત મહોત્સવ’ અંતર્ગત સિંગલ યુઝ પ્લાસ્ટિક વિષય પર રાષ્ટ્રીય કક્ષાના સેમિનારનું આયોજન કરવામાં આવ્યું હતું જેમાં મીનીસ્ટ્રી ઓફ એનવાયરમેન્ટ, ફોરેસ્ટ એન્ડ કલાઈમેટ ચેન્જનાં કેન્દ્રીય મંત્રી ભૂપેન્દ્ર યાદવએ અધ્યક્ષતા કરી હતી. છેલ્લા એક વરસથી મહુવા નાં દરિયા કિનારા ને પ્લાસ્ટિક મુક્ત કરવા માટે પ્રયત્નશીલ એવા એનવાયરમેન્ટ કંઝર્વેશન યુથ કલબ ને ગુજરાત નું પ્રતિનિધિત્વ કરવાની તક અપાઈ છે.

રાષ્ટ્રીય સ્તર પર આયોજિત સેમિનારમાં ગુજરાત, મહારાષ્ટ્ર, ઉત્તરપ્રદેશ, બિહાર ના પ્રતિનિધિઓને પોતાના વિચાર કેન્દ્રીય મંત્રી ભૂપેન્દ્ર યાદવ અને રાજ્યમંત્રી અશ્વીની ચોબે સમક્ષ રજૂ કર્યા હતા. વેબીનારમાં ઉપસ્થિત યુ.એન. ઈ.પી ના પદાધિકારીઓએ ગુજરાતના ભાવનગર જિલ્લાના મહુવા તાલુકામાં કાર્યરત આ એન.જી. ઓ દ્વારા છેલ્લા એક વર્ષથી ભવાની બીચ પર ચાલી રહેલ પ્લાસ્ટિક મુક્ત બીચ અભિયાનની પ્રશંસા કરી હતી.

ઓનલાઇન વેબિનારમાં ઉપસ્થિત લોકોને કેન્દ્રીય મંત્રી ભૂપેન્દ્ર યાદવ દ્વારા હરીત શપથ લેવડાવી હતી. સિંગલ યુઝ પ્લાસ્ટિક માટે યોજાયેલા સેમિનારમાં કેન્દ્રીય મંત્રી ભૂપેન્દ્ર યાદવએ કહ્યું કે ભાવનગરની ટીમને રાષ્ટ્રીય સ્તર પર ગુજરાત રાજ્યને પ્રતિનિધિત્વ કરવાનો મોકો મળ્યો. ગુજરાત રાજ્ય અને ઈ.સી.વાય.સી ટીમ ના તમામ "પ્લાસ્ટિક વોરિયર’ માટે હર્ષનો વિષય છે.

આ અભિયાનમાં કેન્દ્રીય મંત્રીએ પુરા દેશમાંથી સિંગલ યુઝ પ્લાસ્ટિક નાં વિરુદ્ધ પર્યાવરણ કાર્યક્રમ અંતર્ગત ચાર વ્યક્તિને એમ્બેસેડર ના રૂપમાં નિમણૂક કરી . જેમાં મહુવા નાં માનસી ઠાકર ને કેન્દ્રીય મંત્રી ભૂપેન્દ્ર યાદવ દ્વારા બ્રાન્ડ એમ્બેસેડર બનાવવા માટે જાહેરાત કરવામાં આવી છે. મહુવા ખાતે ઈ.સી.વાય.સી ટીમ દ્વારા લોકો તહેવારોની ઉજવણી ઇકો ફ્રેન્ડલી કરે એવો આગ્રહ રાખે એ અર્થે લોક જાગૃતિ કરી અને વ્યવસ્થા કરે છે.

અન્ય સમાચારો પણ છે...