શિક્ષણ:શૈક્ષણિક વર્ષથી નવી ખાનગી પ્રાથમિક શાળા શરૂ કરવા અરજી કરી શકાશે

આગામી શૈક્ષણિક વર્ષ 2021-22થી નવી નોન-ગ્રાન્ટેડ ખાનગી પ્રાથમિક શાળા ધો.1થી ધો.5, નવી ખાનગી ઉચ્ચ ખાનગી પ્રાથમિક શાળા, ધો.6થી ધો.8 શરૂ કરવા માટે અથવા ક્રમિક વર્ગ/વર્ગ વધારાની મંજૂરી માટે તા.29 ડિસેમ્બરથી 16 જાન્યુઆરી સુધીમાં http://newschool.orpgujarat.com પરથી નિયત અરજી તમામ જરૂરી વિગતો ભરીને પ્રિન્ટ લઇ આવશ્યક આધારો સાથેની ફાઇલ 2 કોપીમાં તા.20 જાન્યુઆરી,2021 સુધીમાં ભાવનગર નગરપાલિકા/મહાનરગપાલિકા તથા કેન્ટોનમેન્ટ વિસ્તાર માટે જિલ્લા શિક્ષણાધિકારીની કચેરી, ભાવનગરને સબમિટ કરવાની રહેશે.

ભાવનગર શહેર તથા મહુવા શહેરમાં નવી શા)/વર્ગ વધારા/ ક્રમિક વર્ગ વધારા માટેની અરજી કરતી વખતે ભાવનગર કોર્પોરેશન પસંદ કરવાનું રહેશે તેમ ડીઇઓ એન.જી.વ્યાસે જણાવ્યું છે.નવી ખાનગી પ્રાથમિક શાળા કે ખાનગી ઉચ્ચત્તર પ્રાથમિક શાળા શરૂ કરવા માટે અરજી સાથે રૂ.25 હજાર અને વધારાના કે ક્રમિક વર્ગો ખોલવા માટે અરજી દીઠ રૂ.5000ની રકમ ઓનલાઇન અરજી સબકિટ કર્યા બાદ ઓનલાઇન ટ્રેઝરી મારફત નેટ બેન્કિંગથી ભરવાની રહેશે. નેટ બેન્કિંગથી ભરેલી ફી બાબતે કોઇ મુશ્કેલી હોય તો જે તે બેન્ક અથવા સાયબર ટ્રેઝરી હેલ્પલાઇન નં.079-23257325 અને 0798-23257326 પર સંપર્ક કરવાનો રહેશે.