એજ્યુકેશન:રાષ્ટ્રીય મેરીટ સ્કોલરશીપના આવેદનપત્ર 7 જાન્યુ. સુધી ભરાશે

રાજ્ય પરીક્ષા બોર્ડ દ્વારા નેશનલ મીન્સ કમ મેરીટ સ્કોલરશીપ પરીક્ષાના આવેદન પત્ર ભરવા માટેનો સમયગાળો લંબાવવામાં આવ્યો છે. આ પરીક્ષા માટે આવેદન પત્રો ભરવાની અંતિમ તા. 31 ડીસેમ્બર હતી તે હવે લંબાવીને 7 જાન્યુઆરી કરવામાં આવી છે અને પોસ્ટ ઓફિસ ખાતે ફી 8 જાન્યુઆરી તેમજ ઓનલાઇન 9 જાન્યુઆરી સુધીમાં ભરી શકાશે.

નેશનલ મીન્સ કમ મેરીટ સ્કોલરશીપ પરીક્ષાના આવેદન પત્ર ભરવાની પ્રક્રિયા ચાલુ છે. રાજ્ય પરીક્ષા બોર્ડની વેબસાઈટ www.seb.exam.org પર ઓનલાઇન ભરી શકાય છે. પરીક્ષાના આવેદન પત્ર ભરવાની અંતિમ તારીખ 31 ડીસેમ્બર હતી. પરંતુ તે હવે લંબાવીને 7 જાન્યુઆરી કરવામાં આવી છે. પરીક્ષા માટે ઓનલાઈન ફી ભરવાનો સમયગાળો 19 નવેમ્બરથી 9 જાન્યુઆરી સુધી રાખવામાં આવ્યો છે. પોસ્ટ ઓફિસ ખાતે પરીક્ષા માટેની ફી 8 જાન્યુઆરી સુધી ભરી શકાશે. શાળાઓ દ્વારા ભરાયેલા આવેદનપત્રો તાલુકા પ્રાથમિક શિક્ષણાધિકારી કે શાસનાધિકારી કચેરીમાં જમા કરાવવાની અંતિમ તારીખ 13 જાન્યુઆરી છે. જ્યારે આવેદન પત્રોની ચકાસણી કરી જિલ્લા પ્રાથમિક શિક્ષણાધિકારી કચેરીમાં જમા કરાવવાની અંતિમ તારીખ 20 જાન્યુઆરી રાખવામાં આવી છે.