તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

મુલાકાત:પશ્ચિમ રેલવેના જનરલ મેનેજર આલોક કંસલ દ્વારા ભાવનગર ડિવિઝનમાં ચાલી રહેલા વિકાસ કાર્યોનું નિરીક્ષણ

ભાવનગરએક મહિનો પહેલા
  • કૉપી લિંક
  • ભાવનગર રેલવે સ્ટેશન પર ઉપલબ્ધ પેસેન્જર સુવિધાઓનું આંકલન કર્યું

પશ્ચિમ રેલવેના જનરલ મેનેજર આલોક કંસલે 3 દિવસ ભાવનગર ડિવિઝનની મુલાકાત લીધી હતી, આ દરમ્યાન સ્ટડી કમિટી તથા પાર્લિયામેન્ટ્રી કમિટી સાથે બેઠક કરવામાં આવી હતી, જનરલ મેનેજર કંસલે ભાવનગર સ્ટેશન પર ઉપલબ્ધ પેસેન્જર સુવિધાઓનું આંકલન કર્યુ હતું.

તેમણે પ્લેટફોર્મ પર પેસેન્જર વેઇટિંગ રૂમ, સ્ટેશન ઉપર યાત્રિયો માટે ઉપલબ્ધ પીવાનું પાણીનું નિરીક્ષણ કર્યું અને પ્લેટફોર્મ પર વર્તમાનમાં ચાલી રહેલા વિકાસકાર્યોની ઝીણવટથી આંકલન કર્યું હતું, કંસલ એ ભાવનગરમાં આવેલા ડિવિઝનલ રેલવે હોસ્પિટલમાં 1 નવનિર્મિત ઓક્સીજન જનરેશન પ્લાંટ અને નવનિર્મિત પેથોલોજી ટેસ્ટીંગ લેબનું ઉદ્દઘાટન કર્યું હતું, જેનાથી હોસ્પિટલમાં દાખલ દર્દીઓને સતત ઓક્સીજનનો સપ્લાય મળતો રહેશે તેમજ તેમને ટેસ્ટ માટે બહાર જવું પડશે નહીં. હોસ્પિટલમાં હાજર સુવિધાઓનું વિસ્તાર પૂર્વક નિરીક્ષણ કર્યું. હોસ્પિટલના તમામ કર્મચારીઓ, ડોક્ટરો તેમજ નર્સોને મળ્યા અને વાતચીત કરી. હોસ્પિટલમાં અન્ય સુવિધાઓનું પણ ઉદ્દઘાટન કર્યું. જનરલ મેનેજરએ રેલવે હોસ્પિટલમાં દાખલ દર્દીઓ સાથે મુલાકાત કરી, તેમની તબિયત પૂછી અને ઉપલબ્ધ સુવિધાઓ વિષે પણ પૂછપરછ કરી હતી, તમામ દર્દીઓએ મળતી સુવિધાઓના વખાણ કર્યા અને સંતોષ વ્યક્ત કર્યો. સાથે જ, હોસ્પિટલના લેબ સ્ટાફને 10000 અને ઓક્સિજન પ્લાન્ટના સ્ટાફને 15000 ના રોકડ ઈનામની જાહેરાત પણ કરી.

ડિવિઝનલ રેલવે હોસ્પિટલમાં જનરલ મેનેજર આલોક કંસલ, ડિવિઝનલ રેલવે મેનેજર મનોજ ગોયલ તેમજ એડિશનલ ડિવિઝનલ રેલવે મેનેજર સુનિલ આર. બારાપાત્રે અને મુખ્ય ચિકિત્સા અધીક્ષક ડો.સુબોધ કુમાર વૃક્ષારોપણ પણ કર્યું. ત્યાર પછી જનરલ મેનેજર એ બ્રાંચ ઓફિસર સાથે બેઠક કરી જેમાં તેમણે આવશ્યક યોગ્ય નિર્દેશ પણ આપ્યા. આના પછી ટ્રેડ યુનિયન અને એસોસિએશનના સભ્યો સાથે બેઠક કરવામાં આવી જેમાં તેમની માંગણીઓ સાંભળી અને યોગ્ય કાર્યવાહી કરવાનું આશ્વાસન આપ્યું હતું.

અન્ય સમાચારો પણ છે...