વાતાવરણ:ભાવનગર શહેરમાં બપોરે તાપમાનમાં દોઢ ડિગ્રીનો થયેલો વધારો

ભાવનગર શહેરમાં બપોરના તાપમાનમાં ફરીથી વધારો નોંધાયો હતો. આજે બપોરે મહત્તમ તાપમાન વધતા ગરમીનો પ્રભાવ બપોરના સમયે વધ્યો છે. આ સાથે પવનની ઝડપ ગઇ કાલે 12 કિલોમીટર હતી તે આજે ઘટીને 6 કિલોમીટર થઇ ગઇ હતી.

ભાવનગર શહેરમાં ગઇ કાલે મહત્તમ તાપમાન ઘટીને 30.1 ડિગ્રી સેન્ટીગ્રેડ થઇ ગયું હતુ જે આજે વધીને 31.4 ડિગ્રી સેન્ટીગ્રેડ થઇ ગયું હતુ. જ્યારે લઘુત્તમ ઉષ્ણતામાન 24 કલાક અગાઉ 18.6 ડિગ્રી હતુ તે આજે નજીવું વધીને 18.8 ડિગ્રી સેન્ટીગ્રેડ થઇ ગયું હતુ. હવામાં ભેજનું પ્રમાણ ગઇ કાલે 40 ટકા હતુ તે આજે 11 ટકાના નોંધપાત્ર હદે ઘટી જતા 29 ટકા થઇ ગયું હતુ.