માર્ગદર્શિકા:અન્ય બોર્ડના વિદ્યાર્થીઓ માટે ધો.11માં પ્રવેશ માર્ગદર્શિકા જાહેર, અન્ય બોર્ડમાંથી ધો.10 સામાજિક વિજ્ઞાન સાથે પાસ ન કર્યું હોય છતાં આ વર્ષે પ્રવેશ

જે વિદ્યાર્થીઓએ ગુજરાત માધ્યમિક અને ઉચ્ચતર માધ્યમિક શિક્ષણ બોર્ડની સમકક્ષતા ધરાવતા અન્ય બોર્ડમાંથી ધોરણ 10 સામાજિક વિજ્ઞાન સાથે પાસ ન કર્યું હોય પરંતુ ગણિત, વિજ્ઞાન અને અંગ્રેજી તેમજ અન્ય વિશે સાથે ધોરણ 10 પાસ કર્યું હોય તેવા વિદ્યાર્થીઓને કોરોનાની હાલની પરિસ્થિતિમાં માત્ર શૈક્ષણિક વર્ષ 2020-21 માટે જ ગુજરાત માધ્યમિક અને ઉચ્ચતર માધ્યમિક શિક્ષણ બોર્ડની માન્યતા ધરાવતી શાળાઓમાં ધોરણ 11માં પ્રવેશ મેળવી શકશે તેવો નિર્ણય લેવામાં આવ્યો છે. આ ફેરફાર માત્ર એક વર્ષ માટે અમલી રહેશે.

બોર્ડના પરિપત્ર માં વધુમાં જણાવાયું છે કે અન્ય સૂચનાઓ યથાવત રહેશે. આ વિગતો સાથે ધોરણ 11 માં પ્રવેશ મેળવવા માંગતા વિદ્યાર્થીઓને જિલ્લા શિક્ષણાધિકારીની મંજુરીથી આગામી તારીખ 15 ડિસેમ્બર સુધીમાં પ્રવેશ આપી શકાશે તેમ ભાવનગરના બોર્ડના પ્રતિનિધિ રાજુભાઈ ભટ્ટે જણાવ્યું છે.