રક્તદાન:માર્ગ સલામતિ માસની ઉજવણીના કેમ્પમાં કુલ 207 બોટલનું રક્તદાન, પ્રત્યેક રક્તદાતાને 5 લાખનો ફ્રી વીમો અપાયો

32 માં માર્ગ સલામતી માસની ઉજવણી અંતર્ગત આર.ટી.ઓ.કચેરી ભાવનગર પોલીસ ટ્રાંફિક શાખા તથા સર ટી. હોસ્પિટલ બ્લડ બેન્કના સયુંકત ઉપક્રમે આર.ટી.ઓ.કચેરી ભાવનગર ખાતે રક્તદાન કેમ્પનું આયોજન કરવામાં આવ્યું હતું. રક્તદાતાઓએ 207 થી વધુ બોટલ બ્લડ ડોનેટ કરી પોતાનું સામાજિક ઉત્તરદાયિત્વ નિભાવ્યું હતું. બ્લડ ડોનેશન કેમ્પ અંતર્ગત રૂ. 5 લાખ નું ગો ડિજિટ ઇન્સ્યોરન્સ કંપની નું એક્સીડન્ટ ઇન્સ્યોરન્સ કવર દરેક રક્તદાતાઓને વિનામૂલ્યે પુરૂ પાડવામાં આવ્યું હતું.

આ બ્લડ ડોનેશન કેમ્પમાં ભાવનગર બાર કાઉન્સિલના પ્રમુખ શ્રી હિરેનભાઈ જાની, પી.આઈ.વી.વી.રબારી, પી.એસ.આઈ. આર.જે.રહેવર, આર.ટી.ઓ. ઇન્સ્પેકટર જે.જે.ચુડાસમા, એન.એમ.કાપડિયા,અંકિત પટેલ, અંકિત ચૌધરી, ડી.એચ.કડીકરે રક્તદાન કર્યું હતું. આ પ્રસંગે જિલ્લા વાહન વ્યવહાર અધિકારી ડી એચ યાદવ, મેડિકલ કોલેજના ડિન ડો.હેમંત મહેતા, સર ટી હોસ્પિટલના અધિક્ષક ડો.નિલેશ પારેખે ઉપસ્થિત રહીને આર.ટી. ઓ. ની આ પહેલને બિરદાવી હતી. રક્તદાતાઓની નામ નોંધાણીથી લઇ રક્તદાન સુધીની તમામ પ્રક્રિયા તેમજ અન્ય સુસંગત વ્યવસ્થા સર ટી. હોસ્પિટલ બ્લડ બેન્ક દ્વારા કરવામાં આવી હતી.