I-Tની બાઝ નજર:ડીજીટલ ડેટાના આધારે I-T વિભાગની કરચોરો પર નજર

ભાવનગર22 દિવસ પહેલા
  • કૉપી લિંક
પ્રતીકાત્મક તસ્વીર - Divya Bhaskar
પ્રતીકાત્મક તસ્વીર
  • GSTના અમલીકરણ બાદ સુષુપ્ત I-T હવે આળસ મરડશે
  • બેંક, જીએસટી ડેટાની સરખામણી રિટર્ન સાથે કરાશે કરદાતાઓની માહિતીઓ પર બાજ નજર રખાશે

ગુડ્સ એન્ડ સર્વિસ ટેક્સ (જીએસટી)ના અમલીકરણ બાદ સુષુપ્તાવસ્થામાં ગરકાવ થયેલા આવકવેરા વિભાગ દ્વારા ડીજીટલ ડેટાના અાધારે કરચોરી કરી રહેલા કરદાતાઓ પર ત્રાટકવાની તૈયારીઓ કરી રહ્યું છે. ચાર્ટર્ડ એકાઉન્ટન્ટ્સ ડી.આર.પારેખના મુજબ એન્યુઅલ ઇન્ફોર્મેશન સીસ્ટમ (AIS) કરદાતાને નાણાકીય વર્ષ (FY) દરમિયાન તેના દ્વારા કરવામાં આવેલા મોટા ભાગના ડિજિટલ નાણાકીય વ્યવહારોની વિગતો પ્રદાન કરશે.

AIS એ કરદાતાના ફોર્મ 26AS માં ઉપલબ્ધ છે તેના કરતાં વધુ માહિતી ધરાવે છે, જેને ઘણીવાર ટેક્સ પાસબુક પણ કહેવામાં આવે છે. AIS એ એક વ્યાપક નિવેદન છે જેમાં તમારા દ્વારા કરવામાં આવેલા નાણાકીય વ્યવહારોની વિગતો હોય છે અને નાણાકીય વર્ષ દરમિયાન વિવિધ સંસ્થાઓ (મોટેભાગે નાણાકીય સંસ્થાઓ) દ્વારા કર વિભાગને જાણ કરવામાં આવે છે. આમાં પગાર, વ્યાજ વગેરે જેવા વિવિધ સ્ત્રોતોમાંથી રસીદ,આવક અથવા ઇક્વિટી શેર, મ્યુચ્યુઅલ ફંડ, બોન્ડ વગેરે જેવી સિક્યોરિટીઝનું વેચાણ અથવા ખરીદીનો સમાવેશ થાય છે.

AIS બે ભાગોમાં વહેંચાયેલું છે: ભાગ A અને ભાગ B. ભાગ Aમાં સામાન્ય માહિતી જેમ કે PAN, માસ્ક કરેલ આધાર નંબર, કરદાતાનું નામ, જન્મ તારીખ વગેરે શામેલ છે. ભાગ Bમાં TDS, TCS, નિર્દિષ્ટ નાણાકીય વ્યવહારો, ચુકવણીની વ્યાપક માહિતી શામેલ છે. કર, કર માંગ અને રિફંડ અને અન્ય માહિતી સામેલ છે. આવકવેરા વિભાગ દ્વારા કરદાતાઓની માહિતીઓ પર બાજ નજર રખાઇ રહી છે. આમ ડિઝીટલ ડેટાના આધારે આવકવેરા વિભાગ દ્વારા કરચોરો સાથે તવાઈ લવાશે અને તેની તમામ માહિતી પર બાઝ નજર રાખવામાં આવશે.

અન્ય સમાચારો પણ છે...