વસુલાત:RTO દ્વારા 61.11 કરોડ ટેક્સ અને દંડની રકમની વસુલાત

ભાવનગર આર.ટી. ઓ કચેરી દ્વારા ફાઈનાન્સીયલ વર્ષ નાં અંતમાં ટેક્સ અને દંડ ની રકમની જોર શોરથી વસૂલી કરવામાં આવી હતી. આર.ટી. ઓ કચેરી દ્વારા ઓવરલોડ , ઓવર ડાઈ મેન્શન , રોડ સેફ્ટી, ટેક્સ રિકવરી વગેરે નાં પ્રશ્ને દંડ ની રકમ વસૂલવામાં આવે છે. વર્ષ 2020 -21 માં ભાવનગર ની પ્રજાએ કુલ 61.11 કરોડ નો ટેક્સ અને 2.32 કરોડ ની દંડ ની રકમ ભરી છે. છતાં રોડ સેફ્ટી ને લઈને હજી ભાવનગર ની જનતામાં જાગૃતિ જરૂરી છે.

ભાવનગર ની જનતા પાસેથી દંડ ની રકમ વસૂલ કરવા પાછળ નો હેતુ એ હોય છે કે તેઓ કાયદામાં રહીને સલામત રીતે વાહન ચલાવે. કોરોના નાં લોકડાઉન દરમિયાન ખૂબ ઓછા વાહનો રોડ પર ચાલતા હોવાથી રોડ સેફ્ટી કે દંડ નાં પ્રશ્નો ઊભા થયા નહોતા. ધીમે ધીમે લોકડાઉન માં છૂટછાટ આપતા જાન્યુઆરી મહિનામાં 6.35 કરોડ, ફેબ્રુઆરી મહિનામાં 6.05 કરોડ અને માર્ચ મહિનામાં 8.38 કરોડ ની દંડ અને ટેકસની રકમ વસૂલવામાં આવી હતી.