તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

રો-પેક્સ ફેરી:સુરતથી સૌરાષ્ટ્ર માટેનું ખાતર મોકલવામાં 60% સમય બચ્યો

ભાવનગર3 મહિનો પહેલા
  • કૉપી લિંક
  • સુરતથી ખાતરનું કન્સાઇનમેન્ટ ફેરી શિપથી આવ્યુ
  • ખેડૂતોને ખાતરનો જથ્થો ઉપલબ્ધ કરાવવા પ્રયાસ

ચોમાસુ ઢુંકડુ છે અને ખેડુતોને પોતાના ખેતરોમાં વાવણાની તૈયારીઓ ચાલી રહી છે, અને ખેડૂતોને સમયસર ખાતર મળી રહે તેવા પ્રયાસ તળે સુરતના ક્રિભકોમાંથી સૌરાષ્ટ્ર માટેના ખાતરના કન્સાઇનમેન્ટ ભરેલા ટ્રક રો-પેક્સ ફેરી શિપ વડે જળમાર્ગે મોકલવામાં આવ્યા છે જેનાથી 60% સમયમાં બચત કરી શકાઇ છે.

ભાવનગરના ઘોઘા અને સુરતના હજીરા વચ્ચે જળમાર્ગે ચાલી રહેલી રો-પેક્સ ફેરી સર્વિસથી સમય, ઇંધણની ખાસ્સી બચત થઇ રહી છે. અને લોકો તેનો ઉપયોગ સારી રીતે કરી રહ્યા છે. કેન્દ્ર સરકારમાં મંત્રીપદ ધરાવતા મનસુખભાઇ માંડવીયાના અધિપત્ય તળે પોર્ટ અને ફર્ટિલાઇઝર આવે છે. સુરતમાં ક્રિભકોમાં ઉત્પાદીત થતા ફર્ટિલાઇઝર ખાતરને સૌરાષ્ટ્રના ખેડૂતો માટે સમયસર મોકલવાની જે વિચારણાઓ ચાલી રહી હતી તેમાં રો-પેક્સ દ્વારા ખાતર ભરેલા ટ્રક મોકલવામાં આવે તો 60ટકા સમયની બચત થતી હોવાનો અભિપ્રાય સામે આવ્યો અને તેને અમલમાં મુકવામાં આવ્યો હતો.

આ કન્સાઇનમેન્ટ તળેના પ્રથમ ટ્રક સુરતથી ઘોઘા ખાતે આવી પહોંચ્યા હતા અને અહીંથી સમગ્ર સૌરાષ્ટ્રમાં નિયત સ્થળોએ ખાતરનો જથ્થો વિતરીત કરવા માટે મોકલી આપવમાં આવી રહ્યો છે. ખેડૂતોને ચોમાસામાં તેઓના વાવણીના સમય અગાઉ ખાતરનો જથ્થો અને સમયસર મળી રહે તેના માટેના પ્રયાસો કરવામાં આવી રહ્યા છે.

અન્ય સમાચારો પણ છે...