કોરોના બેકાબૂ:સ્થળ પર 30ના કરાવ્યા રેપિડ ટેસ્ટ, કુલ 56 હજારનો દંડ

કોર્પોરેશનની માસ્ક ડ્રાઇવ ટીમ દ્વારા આજે ચિત્રા જીઆઇડીસીમાં આવેલા અમરલાલ બેકર્સમાં તપાસ કરતા અનેક કામદારો સોશિયલ ડિસ્ટન્સ અને માસ્ક વગરના જણાતા કોવિડ ટેસ્ટ સ્થળ પર જ કરાવ્યો હતો. કોઈ કામદાર પોઝિટિવ નહિ નીકળતા સીલ મારવાનું ટાળ્યું હતું. તેમજ અમરલાલ બેકર્સને રૂ.21000 નો દંડ ફટકાર્યો હતો. તેમજ અમૃત બેકર્સમાં પણ કામદારો માસ્ક વગરના હોવાથી તેને પણ રૂ.7000 નો દંડ ફટકાર્યો હતો. જ્યારે જુદા જુદા વિસ્તારોમાંથી 28 લોકોને માસ્ક વગરના પકડી પાડી 28 હજારનો દંડ વસુલ કર્યો હતો. આજે કુલ 56000 નો દંડ વસૂલ્યો હતો.