પરીક્ષા:પ્રતિભા શોધ કસોટીમાં 9 કેન્દ્રોમાં 15 ટકા પરીક્ષાર્થીઓ ગેરહાજર, હવે બીજા તબક્કાની પરીક્ષા લેવામાં આવશે

એનસીઇઆરટી પુરસ્કૃત અને રાજ્ય પરીક્ષા બોર્ડ દ્વારા લેવાતી રાષ્ટ્રીય પ્રતિભા શોધ પરીક્ષા (નેશનલ ટેલેન્ટ સર્ચ એક્ઝામ)આજે બે તબક્કામાં લેવામાં આવી હતી જેમાં પ્રથમ સેશનમાં કુલ 1755 પરીક્ષાર્થીઓ પૈકી 1489 હાજર અને. 266 ગેરહાજર નોંધાયા હતા જ્યારે બપોરના બીજા સેશનમાં 1755 પૈકી 1488 હાજર અને 267 પરીક્ષાર્થીઓ ગેરહાજર નોંધાતા એકંદરે કુલ 85 ટકા પરીક્ષાર્થીઓ હાજર અને 15 ટકા ગેરહાજર રહ્યાં હતા. 9 કેન્દ્રો ખાતે લેવાયેલી આ પરીક્ષા દરમિયાન ગેરરીતિનો કોઇ પણ કિસ્સો નોંધાયો ન હતો તેમ એજ્યુકેશન ઇન્સ્પેક્ટર પ્રતિપાલસિંહ ગોહિલે જણાવ્યું હતુ. આજે આ પ્રથમ તબક્કાની પરીક્ષા હતી તેમાં પાસ થેુયલા પરીક્ષાર્થીઓ માટે બીજા તબક્કાની પરીક્ષા લેવામાં આવશે.

આજે સવારે 11.30થી 1.30 અને બપોરે 3થી સાંજના 5 વાગ્યા દરમિયાન બે સેશનમાં આ કસોટી લેવામાં આવી હતી. આ પરીક્ષામાં જનરલ અને ઇએસડબલ્યુના વિદ્યાર્થીઓ માટે 40 ટકાએ ક્વોલીફાય ગણાશે જ્યારે એસ.સી./એસ.ટી. કે પી.એચ.કેટેગરીમાં 32 ટકાએ ક્વોલિફાય ગણાશે.