ખેત પેદાશ:મહુવાના યાર્ડમાં સફેદ ડુંગળીના 112990 થેલાની આવક થઇ, કેસર કેરીની 450 મણની આવક

સફેદ ડુંગળી માટે વિશ્વવિખ્યાત મહુવાના યાર્ડમાં સફેદ ડુંગળીની ધૂમ આવક શરુ થઇ ગઇ છે તો બીજી બાજુ મહુવાની પ્રખ્યાત જમાદાર કેરીની આવકનો પણ આરંભ શરૂ થઇ ગયો છે. મહુવા માર્કેટીંગ યાર્ડમાં સફેદ ડુંગળીના 112990 થેલાની આવક થઇ હતી. આ ડુંગળીનો નીચો ભાવ રૂ.150/- અને ઉંચો ભાવ રૂ.195/- રહેવા પામેલ હતો. માર્કેટીંગ યાર્ડમાં મહુવાની વિખ્યાત જમાદાર કેરીનો પણ 75 મણ આવક થઇ હતી. જેનો નીચો ભાવ રૂ.1000/- અને ઉંચો ભાવ રૂ.2000/- રહ્યો હતો. જયારે કેસર કેરીની 450 મણની આવક થઇ હતી.