તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

સન્માન:જાપાનમાં પેરાલિમ્પિક્સમાં તમામ સ્પર્ધકો-ખેલાડીઓ અને સહાયકોને મોરારિબાપુ તરફથી કુલ રૂ.21 લાખની પ્રોત્સાહક રકમ આપવામાં આવશે

મહુવાએક મહિનો પહેલા
  • કૉપી લિંક
મોરારિબાપુ - ફાઇલ તસવીર - Divya Bhaskar
મોરારિબાપુ - ફાઇલ તસવીર

જાપાનમાં ચાલી રહેલા પેરાલિમ્પિક્સમાં ભાગ લઇ રહેલા ભારતીય ખેલાડીઓ અને સહાયકોને પૂ.મોરારિબાપુ દ્વારા રૂ.21 લાખની પ્રોત્સાહક રકમની જાહેરાત કરવામાં આવી છે. તાજેતરમાં જ મુખ્ય ઓલિમ્પિકની રમતો પૂરી થયા બાદ જાપાનમાં પેરાલિમ્પિક્સ ખેલ મહોત્સવ ચાલે છે, જેમાં ભારતમાંથી 54 સ્પર્ધક અને 50 અન્ય વ્યક્તિ, જેમાં વિવિધ રમતો માટેના કોચ, મેનેજર અને અન્ય સહાયક વ્યક્તિઓ થઈ કુલ 104 લોકો ભારતનું પ્રતિનિધિત્વ કરી રહ્યા છે.

વિવિધ સ્પર્ધાઓમાં ભાગ લઇ રહેલા કુલ 54 સ્પર્ધકને મોરારિબાપુ તરફથી પ્રત્યેકને રૂપિયા 25 હજારનું પ્રોત્સાહન આપવામાં આવશે. જેની કુલ રકમ 13 લાખ 50 હજાર થાય છે. એ જ પ્રમાણે આ સ્પર્ધકોના કોચ, મેનેજર અને અન્ય સહયોગીઓ કે જેની કુલ સંખ્યા 50 જેટલી છે તેમને પ્રત્યેકને રૂપિયા 15 હજારનું પ્રોત્સાહન આપવામાં આવશે જેની કુલ રકમ 7 લાખ 50 હજાર થાય છે. ખેલાડીઓ અને તેના સહયોગીઓને અપાનારા પ્રોત્સાહનની કુલ રાશી રૂ.21 લાખ થાય છે.

ઓલિમ્પિક ખેલ સમિતિ પાસેથી તમામ સ્પર્ધકો અને સહયોગીઓના બેન્કની વિગતો મેળવી આ રકમ જે તે વ્યક્તિના બેંક ખાતામાં તબદિલ કરવામાં આવશે. અત્રે એ પણ ઉલ્લેખનીય છે કે તાજેતરમાં જ જાપાનમા જે મૂળ ઓલિમ્પિક રમતોત્સવ પૂરો થયો તેમાં ભાગ લીધેલા તમામ સ્પર્ધકો, સહયોગીઓને પૂ.મોરારિબાપુ દ્વારા રૂ.57 લાખની પ્રોત્સાહક રકમ આપવામાં આવી હતી.

અન્ય સમાચારો પણ છે...