અકસ્માત:સીમધરા ગામ પાસે ST બસ અને ડમ્પર વચ્ચે અકસ્માત

ઝઘડિયા તાલુકાના રાજપારડી નજીક સ્ટેચ્યુ ઓફ યુનિટી હાઈવે પર સિમધરા ગામ પાસે એસટી બસ સાથે હાઈવા ટ્રક પાછડથી ભટકાતા અકસ્માત સર્જાયો હતો. એસટી બસ કવાંટથી નવસારી તરફ જઈ રહી હતી. જે બસ રાજપારડીથી અંકલેશ્વર તરફ જતાં એક હાઈવા ટ્રક સાથે ભટકાતા અકસ્માત સર્જાયો હતો.

આ બનાવમાં 4 વ્યક્તિઓ ઇજાગ્રસ્ત થયા હતા. જેમાંથી 2 લોકોને વધુ ઈજા થતાં અવિધા સીએચસી ખાતે સારવાર માટે 108 મારફતે ખસેડવામાં આવ્યાં હતાં. જ્યારે 2 નાના બાળકોને નાનીમોટી ઈજાઓ થતાં સ્થળ પર સારવાર આપવામાં આવી હતી. જોકે, આ લખાય છે ત્યાં સુધી અકસ્માત સંદર્ભે પોલીસ ફરિયાદ નોંધાઈ નહોતી.