ધોળા દિવસે ચોરી:ભરૂચના વાલિયામાં ટેલરની દુકાને કપડાં લેવા આવેલાં બે ગઠિયાઓ નજર ચૂકવી 60 હજારથી વધુના મુદ્દામાલની ચોરી કરી ફરાર

વાલિયા ગામના લુહાર ફળિયામાં બ્રાઇટ જેન્ટસ ટેલરની દુકાનમા દરજીની નજર ચૂંકવી બે ગઠિયા સોનાની ચેઇન અને રોકડા 15 હજાર મળી કુલ 60 હજારથી વધુના મુદ્દામાલની ચોરી કરી ફરાર થઈ જતાં પોલીસ ફરિયાદ નોંધાઇ છે.

વાલિયા ગામના લુહાર ફળિયામાં રહેતા મનહરલાલ મુળચંદ સુરતી બ્રાઇટ જેન્ટસ ટેલર નામની દુકાન ચલાવી પોતાના પરિવારનું ગુજરાન ચલાવે છે. ગતરોજ સવારે 11 વાગ્યાના અરસામાં પોતાની ટ્રેલરિંગની દુકાન પર હતા તે દરમિયાન બે ઇસમો તેઓની દુકાન પર આવ્યા હતા અને શર્ટનું કાપડ બતાવવા જણાવ્યુ હતું.

દુકાનદાર કાપડ બતાવી રહ્યા હતા તે સમયે તેઓને વાતોમાં ભોળવી તેઓની નજર ચૂકવી સોનાની ચેઇન અને ગલ્લામાં રહેલા રોકડા 15 હજાર મળી કુલ 60 હજારથી વધુના મુદ્દામાલ ચીલ ઝડપ કરીને ફરાર થઈ ગયા હતા. આ અંગે દુકાનદારે ફરિયાદ નોંધાવતાં વાલિયા પોલીસે બે ગઠિયા વિરુધ્ધ ગુનો નોંધી તપાસ હાથ ધરી છે.