ભય:અંકલેશ્વર તાલુકાનાં ઉછાલી ગામની સીમામાં રાત્રે દીપડો દેખાયો, ગ્રામજનોમાં ફફડાટ ફેલાયો

અંકલેશ્વર તાલુકાનાં ઉછાલી ગામમાં રાત્રે શિકાર કરવા માટે નિકળેલો દીપડો દેખાયો હતો. આ વિસ્તારમાં રહેતા સ્થાનિકે તેનો વીડિયો ઉતારીને વાઈરલ કર્યો હતો. આ વીડિયોના કારણે આસપાસના લોકોમાં ભય ફેલાઈ ગયો હતો જેથી તેમણે દીપડાને પકડવા માટે પાંજરૂ મુકવાની પણ માંગ કરવી પડી હતી.

ગામની સીમામાં ફરતા દીપડાનો વીડિયો વાઇરલ

અંકલેશ્વર તાલુકાનાં ઉછાલી, અવાદર, પારડી ગામની સીમામાં દીપડો દેખાયો હતો. આ દિપડો રાતના સમયે ગામની સીમામાં શિકાર કરવા માટે નિકળ્યો હતો. તે સમય દરમિયાન એક સ્થાનિક રહેવાસીને દીપડો નજરે ચઢ્યો હતો. તેવામાં તેણે ગામની સીમામાં ફરતા દીપડાનો વીડિયો પોતાના ફોનમાં ઉતારી લીધો હતો. આ ઘટનાનો વીડિયો ગણતરીના સમયમાં વાઈરલ થઇ જતા સ્થાનિકો ત્યાં દીપડાને જોવા આવી પહોંચ્યા હતા. તો બીજી બાજુ કેટલાક લોકોમાં ફફડાટ પણ ફેલાઈ ગયો હતો. જેના કારણે આસપાસના લોકોએ દીપડાને પકડવાના અર્થે પાંજરુ મુકવાની પણ માંગ કરી હતી.