ધરપકડ:કોન્ટ્રાક્ટને મુદ્દે હત્યાના પ્રયાસના ગુનામાં વોન્ટેડ આરોપી ઝડપાયો

ભરૂચએક મહિનો પહેલા
  • કૉપી લિંક
પ્રતીકાત્મક તસ્વીર - Divya Bhaskar
પ્રતીકાત્મક તસ્વીર
  • વાગરા પોલીસ મથકે ફરિયાદ નોંધાઇ હતી

વાગરા તાલુકાની સાયખા જીઆઈડીસીમાં આવેલી એગ્રેસન કલર પ્રાઈવેટ લિમિટેડમાં સેહજાદ રફીકભાઈ રાજ તેમજ તેઓના ભાગીદાર અસરફ હસન રાજને પાયલિંગનો કોંટ્રાકટ મળ્યો હતો. જેથી બંને પાર્ટનર કામ જોવા કંપની ઉપર પહોચ્યા હતા. આ સમયે સારણ ગામના કામિલ મહબૂબ રાજ તેમજ કામિલ ગુલામ રાજ અને દેરોલ ગામના ઇલ્યાસ અલ્લી મલિક ઉપરાંત મોઢે રૂમાલ બાંધેલ એક અજાણ્યો સખ્સ કારમાં આવી બંને પાર્ટનરને ડબલ બેરલની બંદૂક બતાવી કામ નહીં ધમકી આપી જતા રહ્યા હતા.

ત્યારબાદ સાંજે સેહજાદ રાજ તેમજ અસરફ રાજ કંપની ઉપરથી ઘરે જતાં હતા. ત્યારે જય કેમિકલ કંપની નજીક ચાર રસ્તાની બાજુમા એકા એક કામિલ મહબૂબ રાજ, કામિલ ગુલામ રાજ તેમજ ઇલયાસ અલ્લી મલિક અને મોઢા ઉપર રૂમાલ બાંધેલ અજાણ્યો ઈસમ તેમના પર જીવલેણ હૂમલો કરી ફરાર થઈ ગયા હતા. પોલીસે ગુનો નોંધી ફરાર કામિલ ગુલામ રાજ અને ઇલ્યાસ અલ્લી મલિક અને અન્ય ઈસમ પોલીસના હાથે પકડાઈ ગયા હતા. મુખ્ય આરોપી કામિલ મહેબૂબ રાજ હજી ફરાર છે.

અન્ય સમાચારો પણ છે...