તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો
  • Gujarati News
  • Local
  • Gujarat
  • Bharuch
  • Thus Aam Aadmi Party And Kisan Sangathan Sent An Application Letter To Bharuch District Collectorate On The Issue Of Electricity.

રજૂઆત:આમ આદમી પાર્ટી અને કિસાન સંગઠન દ્વારા વિજળીના મુદ્દે ભરૂચ જિલ્લા કલેક્ટર કચેરીમાં આવેદનપત્ર પાઠવવામાં આવ્યું

ભરૂચએક મહિનો પહેલા
  • કૉપી લિંક
  • વરસાદ ખેંચાતા ખેડૂતોને પાક સૂકાઇ જવાની ભીતિં
  • વિજળીમાં ચાર કલાકનો વધારો કરવા આવેદનપત્ર આપાયું

વર્તમાન પરિસ્થિતિમાં વરસાદ મોડો ખેંચાતા અને ન વરસતાં ધરતીપુત્રોની હાલત કફોડી બની રહી છે. ખેડૂતોએ પોતાના ખેતરોમાં વિવિધ પાકોની વાવણી કરી દીધી છે અને મેઘરાજા રિસાતા ખેતરો ધીમે ધીમે સુકાઈ રહ્યા છે. જેથી જગતનો તાત મુશ્કેલીમાં મુકાયો છે. જેથી આમ આદમી પાર્ટીના સભ્યો દ્વારા આજે ભરૂચ જિલ્લા સમહર્તાને વિજળીના મુદ્દે આવેદનપત્ર આપી રજૂઆત કરવામાં આવી હતી.

વરસાદ ન વરસતા ખેડૂતોનો પાક નિષ્ફળ જવાની ભીતિ છે. ખેડૂતા હાલ જેમ તેમ તાઉ તે વાવાઝોડાંના મારમાંથી બેઠા થયા છે. ત્યારે વરસાદ ના આવતા તેઓના લલાટે ચિંતાની લકીરો જોવા મળી રહી છે. જેથી આમ આદમી પાર્ટીના સભ્યો દ્વારા આજે ભરૂચ જિલ્લા સમહર્તાને આવેદનપત્ર આપી રજૂઆત કરી છે. આવેદનમાં જણાવ્યા અનુસસર ખેડૂતોને હાલમાં ખેતીમાં જે વીજળી આપવામાં આવે છે તેમાં ચાર કલાકનો વધારો કરવામાં આવે જેથી તેઓ ખેતરમાં વધુ પાણી છોડી શકે અને ખેડૂતોનો પાક બચી શકે. જૂનના પ્રારંભે વહેલું ચોમાસુ બેસી જવા સાથે ખેતીલાયક વરસાદથી ખુશખુશાલ થઈ જગતના તાતે વાવણી કરી દીધી હતી. હવે છેલ્લા 15 દિવસથી વરસાદ ખેંચાઈ જતા બિયારણ અને પાક નિષ્ફળ જવાની ચિંતાજનક પરિસ્થિતિનું સર્જન થતા ખેડૂતોના હાલ બેહાલ બન્યા છે. અંકલેશ્વર તાલુકામાં પણ ખેડૂતોએ ડાંગર, શાકભાજી, કપાસ સહિતના પાકોની વાવણી કરી દીધી હતી. હવે મેઘરાજા જ રિસાઈ જતા પાક બળી જવાનો ખતરો તોળાઈ રહ્યો છે. એક સપ્તાહની અંદર મેઘમહેર નહીં વરસે તો ખેડૂતની મહેનત, બિયારણ, ખાતરનો ખર્ચ અને મજૂરી એળે જતા પાયમાલી સર્જાશે તેવી દહેશત વ્યક્ત કરાઈ રહી છે.

અન્ય સમાચારો પણ છે...