આયોજન:ભરૂચવાસીઓને સરકાર અનેક વિકાસના કામોની ભેટ આપશે

ભરૂચ20 દિવસ પહેલા
  • કૉપી લિંક
અધિક કલેકટરના અધ્યક્ષસ્થાને બેઠક મળી હતી. - Divya Bhaskar
અધિક કલેકટરના અધ્યક્ષસ્થાને બેઠક મળી હતી.
  • 12 અને 13 સપ્ટેમ્બરના રોજ વિશ્વાસથી વિકાસ યાત્રાનું આયોજન કરાયું

ભરૂચ જિલ્લામાં વિશ્વાસથી વિકાસ યાત્રા અન્વયે વિવિધ વિભાગોના વિકાસ કાર્યોનું લોકાર્પણ અને ખાતમુહૂર્ત કરવામાં આવશે. ગુજરાત સરકાર દ્વારા તા. 12 અને 13 સપ્ટેમ્બરના રોજ વિશ્વાસથી વિકાસ યાત્રાનું આયોજન કરવામાં આવ્યું છે. જેમાં રાજય-જિલ્લા-પ્રાંત કક્ષાએ વિવિધ વિભાગના સહયોગથી વિકાસ કાર્યોનું લોકાર્પણ અને ખાતમુહૂર્ત કરવામાં આવશે.

ભરૂચમાં વિકાસ યાત્રાની રૂપરેખા નકકી કરવા નિવાસી અધિક કલેકટર એન આર ધાંધલના અધ્યક્ષ સ્થાને બેઠક યોજાઈ હતી.જેમાં તેમણે કાર્યક્રમની જિલ્લા અને પ્રાંત કક્ષાની અમલીકરણ સમિતિના સભ્યોઓને લોકાર્પણ અને ખાતમુહૂર્તના કાર્યક્રમ સંદર્ભે જરૂરી સૂચનો કર્યા હતાં.તા. 12 મી સપ્ટેમ્બરે ચાર પ્રાંત કક્ષાએથી વિકાસયાત્રાનો કાર્યક્રમ યોજાશે.જેમાં ઝઘડીયા,ભરૂચ,અંકલેશ્વર તથા જંબુસર પ્રાંતનો સમાવેશ કરવામાં આવ્યો છે.

આ ઉપરાંત તા. 13 સપ્ટેમ્બરે જિલ્લા કક્ષાની વિકાસયાત્રા અંતર્ગત પંડીત ઓમકારનાથ હોલ ખાતે કાર્યક્રમ યોજાશે. આ તકે નાયબ જિલ્લા વિકાસ અધિકારી પીયુષ પટેલ, જિલ્લા ગ્રામ વિકાસ એજન્સીના નિયામક સી. વી. લત્તા, જિલ્લા આરોગ્ય અધિકારી દુલેરા, પ્રાંત અધિકારીઓ, મામલતદારઓ, તાલુકા વિકાસ અધિકારીઓ સહિત સંબંધિત વિભાગના અધિકારીઓ ઉપસ્થિત રહ્યા હતા.

અન્ય સમાચારો પણ છે...