આક્ષેપ:ખેડૂત હિતના નામે કેટલાક લોકો પોતાના રોટલાં શેકે છે : ખેડૂતો

દહેજ એસ.ઈ.ઝેડ ના બીજા એકમ માટે જીઆઇડીસી દ્વારા વાગરા તાલુકાના પખાજણ,અંભેલ,લીમડી ગામોની અંદાજિત ૧૭૪૦એકર જમીનોનું સંપાદન થયુ હતું જેમાં ખેત માલિકોને તેના વળતરની ચુકવણા પણ કરી દેવાયા હતા.જોકે આ સમગ્ર મામલે ખેડૂત હિતના નામે કેટલાંક લોકો સંપાદનમાં ગેરરીતિ આચરવામાં આવી હોવાના આક્ષેપો સાથે તપાસની માગણી કરાઇ હતી. સદર સંપાદનમાં મોટો ભ્રષ્ટાચાર આચરવામાં આવ્યો હોવાના આક્ષેપો લગાવ્યા હતા જોકે આ આક્ષેપોને ફગાવતા લીમડી પખાજણ અને અંભેલ ગામના ગ્રામ પંચાયતના હોદ્દેદારોએ મુખ્યમંત્રીને પત્ર પાઠવી રોજગારીની નવી તકો ઉપલબ્ધ થશે તેમજ સ્થાનિક ખેડૂતો ની આર્થિક સુખાકારી વધશે તેમજ આ વિસ્તારનો વિકાસ થશે.