અકસ્માત:બાઇક સ્લિપ થઇ જતાં રહાડના વૃદ્ધનું મોત થયું

વાગરાના રહાડ ગામના શખ્સ તેમની બાઇક લઇને કામ અર્થે જઇ રહ્યાં હતાં. તે વેળાં સમની-ઓરા ગામ વચ્ચેની નર્મદા કેનાલ રોડ પર તેમની બાઇક સ્લિપ થતાં કેનાલની દિવાલમાં તેમનું માથું ભટકાતાં તેમનું મોત થયું હતું. વાગરાના રહાડ ગામે રહેતાં ઠાકોરભાઇ વસાવા તેમની બાઇક લઇને કામ અર્થે નિકળ્યાં હતાં. દરમિયાનમાં તેઓ સમનીથી ઓરા ગામ તરફ જતી નર્મદા કેનાલના રોડ પરથી પસાર થઇ રહ્યાં હતાં.

અરસામાં કોઇ કારણસર તેનું સ્ટિયરિંગ પર કાબુ નહીં રહેતાં તેમની બાઇક સ્લીપ થઇ જતાં નર્મદા કેનાલની દિવાલ સાથે અથડાતાં ફંગોળાઇ જઇ કેનાલમાં પડી જતાં તેમના માથામાં ગંભીર ઇજાઓ થતાં તેમનું સ્થળ પર જ મોત નીપજ્યું હતું. વાગરા પોલીસે ગુનો નોંધી કાર્યવાહી હાથ ધરી છે.