રોષ:પોલીસ કર્મીની દાદાગીરી દંડાથી લારીઓની તોડફોડ, લારીને નુક્સાન કરતો વીડિયો વાયરલ થતાં રોષ

ભરૂચ શહેરના બાયપાસ રોડ પર આજે રવિવારે એક પોલીસ કર્મીએ રોડની સાઇડમાં ઉભા રહેતાં ફ્રૂટની લારીઓ પર લાકડીના સપાટા મારી નુકશાન કરવાનો વીડિયો વાયરલ થયો હતો. વીડિયોમાં એક પોલીસ કર્મી ડ્રેસ પહેર્યાં વિના જ પોલીસની જીપમાંથી ઉતરી રોડની સાઇડમાં ઉભેલાં ફ્રૂટની લારીવાળાઓ પર કોઇ ગુસ્સો ઉતારતો હોય તેમ લાકડીના સપાટા મારી નુકશાન કર્યું હતું. પોલીસ કર્મીની દબંગાઇનો વીડિયો વાયરલ થતાં લોકોમાં રોષ ફાટવા સાથે તેની સામે કડક કાર્યવાહી કરવાની માંગ ઉઠી છે.