વીજપોલ ધરાશયી:ભરુચમાં અપના ઘર સોસાયટી નજીક ટ્રકચાલકે વીજપોલને ટક્કર મારી, બે વીજપોલ ધરાશાયી

અત્યારે રાજ્યભરમાં બેફામ વાહનો ચલાવતા લોકોનો ત્રાસ વધી રહ્યો છે. તેવામાં ભરુચમાં આવેલા અપના ઘર સોસાયટીની નજીક ટ્રક ચાલકે ટ્રક પર કાબૂ ગુમાવતા વીજપોલને ટક્કર મારી દીધી હતી. આ ઘટનાને પગલે આસપાસના લોકોમાં દોડધામ મચી જવા પામી હતી.

અકસ્માત બાદ ટ્રકચાલક ફરારભરૂચના અપના ઘર સોસાયટી નજીકથી 11 કિલોવૉટની વીજલાઇન પસાર થાય છે. ત્યારે આજે એક ટ્રકની વીજપોલ સાથે ટક્કર થઇ જતા 2 વીજપોલ ધરાશાયી થઇ ગયા હતા. જેના કારણે આસપાસના રાહદારીઓમાં ભય ફેલાઇ જતા નાસભાગ મચી જવા પામી હતી. આ દુર્ઘટનાને પગલે વીજ પોલને અડફેટે લેનારો ટ્રક ચાલક પણ ત્યાંથી ફરાર થઈ ગયો હતો.

સ્થાનિકોના શ્વાસ અધ્ધરઆ અકસ્માતમાં વીજપોલ ધરાશાયી તો થઈ ગયો હતો પરંતુ તેમાં વીજળીનો પ્રવાહ ચાલુ રહેતા સ્થાનિકોના શ્વાસ તાવડે ચોટી ગયા હતા. પ્રાપ્ત થતી માહિતી મુજબ સદનસીબે આ ઘટનામાં કોઇની પણ જાનહાનિ થઇ નથી.