કોરોના અપડેટ:ભરૂચમાં કોરોનાના માત્ર 2 કેસ, કુલઆંક 3641 થયો, ભરૂચમાં - 1 અને ઝઘડિયામાં -1 કેસ નોંધાયો

ભરૂચ શહેર જિલ્લામાં કોરોનાના કેસોની સંખ્યા અત્યંત ઘટી ગઇ છે. જિલ્લામાં આજે સોમવારે પણ કોરોનાના માત્ર 2 જ નવા કેસ નોંધાયાં હતાં. જેમાં એક કેસ ભરૂચમાં જ્યારે અન્ય એક કેસ ઝઘડિયામાં નોંધાયો હતો. જેની સાથે જિલ્લાનો કુલઆંક 3641 પર પહોંચ્યો હતો. જિલ્લામાં આજે 5 લોકો સાજા થતાં અત્યાર સુધીમાં 3593 લોકોને રજા અપાઇ છે. હાલમાં હોમ આઇસોલેશનમાં 9 અને કોવિડ હોસ્પિટલમાં 7 લોકો મળી કુલ 16 લોકો સારવાર હેઠળ છે. જિલ્લામાં અત્યાર સુધીમાં 3155 કન્ટેઇનમેન્ટ એરિયા જાહેર કરવામાં આવ્યાં છે. જે પૈકી 53 એક્ટિવ ઝોનમાં છે. જેમાં પણ 32 ગ્રામ્ય વિસ્તાર અને 21 શહેરી વિસ્તાર એક્ટિવ ઝોનમાં છે.