હાલાકી:જંબુસરમાં પાણી લાઇનમાં લીકેજ થતા ચોમાસા જેવો માહોલ સર્જાયો

જંબુસર નગર ટંકારી ભાગોળ સિકોતર માતાજી ના મંદિર પાસે પાણી ની લાઇન માં લીકેજ થતા ચોમાસું જેવો માહોલ સર્જાયો હતો. જેના પગલે રાહદારીઓ અને વાહન ચાલકો ને ભારે મુશ્કેલીઓ નો સામનો કરવો પડયો હતો. તેવામાં ખાનગી શાળાના આચાર્ય હિતેન્દ્રસિંહ ઠાકોરે જણાવ્યું હતું કે,

શહેરમાંથી આવતા વિદ્યાથીઓને ધણી મુશ્કેલીઓનો સામનો કરવો પડ્યો. નગરપાલિકા તંત્ર હંમેશા પ્રજાજનો નો પ્રશ્નો નો કાયમી ઉકેલ લાવવામાં નિષ્ફળ રહ્યું છે ભર શિયાળે વરસાદી માવઠું હોય કે ડ્રેનેજ પાણી ની લાઇન હોય કે પછી ઉભરાતી ગટરો ગંદકી ની દુર્ગંધ હંમેશા પ્રજાજનો ને ભારે મુશ્કેલીઓ નો સામનો કરવો પડે છે.નગર પાલિકા ના સત્તાધીશો દ્વારા હમેંશા મોટી મોટી વાતો કરવામાં આવે છે તો શું?? નગર પાલિકાના સત્તાધીશો દ્વારા પ્રજાજનો ની સમસ્યાઓ નો ઉકેલ લાવશે કે પછી કુંભકર્ણ ની જેમ મીઠી નીંદરમાં રહશે.