જંબુસરના ધારાસભ્ય કોંગ્રેસ સાથે છેડો ફાડશે?:સંજય સોલંકી સી.આર.પાટીલના સ્વાગત માટે પહોંચ્યા, રાજકીય વર્તુળોમાં અટકળો

ભરૂચએક મહિનો પહેલા
  • સંજય સોલંકીએ ગુલદસ્તો આપી સ્વાગત કર્યું, જિલ્લા પ્રમુખે તેમનો પરિચય કરાવ્યો
  • સી.આર.પાટીલ જંબુસર ખાતે નવનિર્મિત એ..પી.એમ.સી.ના લોકાર્પણ માટે પહોંચ્યા હતા
  • સંજય સોલંકી કોંગ્રેસનો હાથ છોડી ભાજપાનો સાથ આપે તેવી ચર્ચાએ જોર પકડ્યું

જંબુસરના કોંગ્રેસના ધારાસભ્ય સંજય સોલંકી આજે શનિવારે ભાજપાના પ્રદેશ પ્રમુખ સી.આર. પાટીલના સ્વાગત માટે પહોંચતા રાજકીય ક્ષેત્રે પુનઃ એકવાર ગરમાટો જોવા મળ્યો છે. જંબુસરના વધુ એક કોંગ્રેસના ધારાસભ્ય કોંગ્રેસનો હાથ છોડી ભાજપને સાથ આપશે તેવી અટકળો ચાલી રહી છે. આજે જંબુસર ખાતે ખેડૂતોની સુખાકારી માટે APMCનું નવું મકાન, રેસ્ટ હાઉસ તથા ખેડૂત કેન્ટીનનું નવ નિર્માણ કરવામાં આવ્યું હતું. આજરોજ આ ત્રણેય નવા પ્રકલ્પોનું લોકાર્પણ ભાજપના પ્રદેશ અધ્યક્ષ સી.આર.પાટીલના હસ્તે કરવામાં આવ્યું હતું.

સંજય સોલંકી સી.આર. પાટીલના સ્વાગત માટે પહોંચતા રાજકીય ક્ષેત્રે ગરમાટો
સંજય સોલંકી સી.આર. પાટીલના સ્વાગત માટે પહોંચતા રાજકીય ક્ષેત્રે ગરમાટો

સંજય સોલંકીએ સી.આર.પાટીલને ગુલદસ્તો આપી સ્વાગત કર્યું
ભાજપાના પ્રદેશ અધ્યક્ષ સી.આર.પાટીલ આજરોજ જંબુસર ખાતે નવનિર્મિત ૩ પ્રકલ્પોના લોકાર્પણ માટે પહોંચ્યા હતા. તેઓ હેલીકોપ્ટર મારફતે જંબુસર પહોચ્યા હતા. જ્યાં હેલીપેડ ઉપર ભરૂચ જીલ્લા ભાજપાના અમોવાડી મંડળ સાથે સાથે જંબુસરના કોંગ્રેસના ધારાસભ્ય સંજય સોલંકી પણ પ્રદેશ પ્રમુખના સ્વાગત માટે ઉપસ્થિત હતા. સંજય સોલંકીએ સી.આર.પાટીલને ગુલદસ્તો આપી સ્વાગત કર્યું હતું અને ભાજપાના જિલ્લા પ્રમુખ મારૂતીસિંહ અટોદરીયાએ તેમનો પરિચય પણ કરાવ્યો હતો.

APMCનું નવું મકાન, રેસ્ટ હાઉસ તથા ખેડૂત કેન્ટીનનું સી.આર.પાટીલના હસ્તે લોકાર્પણ
APMCનું નવું મકાન, રેસ્ટ હાઉસ તથા ખેડૂત કેન્ટીનનું સી.આર.પાટીલના હસ્તે લોકાર્પણ

ભરૂચ જિલ્લાના રાજકારણમાં પુનઃ એકવાર ગરમાટો
સંજય સોલંકી ગત ટર્મમાં કોંગ્રેસના બેનર હેઠળ વિજેતા બન્યા હતા અને હવે ચૂંટણી પહેલા તેઓ ભાજપના પ્રદેશ અધ્યક્ષના સ્વાગતમાં જોડાયા તે વાતે ભરૂચ જિલ્લાના રાજકારણમાં પુનઃ એકવાર ગરમાટો લાવી દીધો છે. અગાઉ જંબુસરમાંથી જ કોંગ્રેસના બેનર હેઠળ જીતેલા એક ધારાસભ્ય કિરણ મકવાણાએ કોંગ્રેસનો હાથ છોડી ભાજપનો સાથ આપ્યો છે. ત્યારે વધુ એક કોંગ્રેસના ધારાસભ્ય તેનું પુનરાવર્તન કરશે તેવી ચર્ચાઓએ જોર પકડ્યું છે.

જંબુસર ખાતે APMCના નવા મકાનના લોકાર્પણમાં લોકો ઉમટ્યા હતા
જંબુસર ખાતે APMCના નવા મકાનના લોકાર્પણમાં લોકો ઉમટ્યા હતા

કોંગ્રેસ પાસે જિલ્લાની પાંચ બેઠકો પૈકી એક માત્ર બેઠક
​​​​​​​અત્રે ઉલ્લેખનીય છે કે કોંગ્રેસ પાસે જિલ્લાની પાંચ બેઠકો પૈકી એક માત્ર બેઠક છે. ત્યારે આ બેઠક ઉપર પણ વર્તમાન ધારાસભ્યના વ્યવહારથી કોંગ્રેસને વધુ એક ઝટકો પડે તેવી શક્યતા છે. હાલ તો ભાજપા ગેલમાં આવી ગયું છે અને કોંગ્રેસ દ્વારા પોતાના ધારાસભ્ય વિરૂદ્ધ પગલા ભરાય છે કે કેમ તેવી ચર્ચાઓએ જોર પકડ્યું છે.

ધારાસભ્યના વ્યવહારથી કોંગ્રેસને વધુ એક ઝટકો પડે તેવી શક્યતા
ધારાસભ્યના વ્યવહારથી કોંગ્રેસને વધુ એક ઝટકો પડે તેવી શક્યતા

ત્રણેય નવા પ્રકલ્પોનું સી.આર.પાટીલના હસ્તે લોકાર્પણ
​​​​​​​નોંધનીય છે કે આજે જંબુસર ખાતે ખેડૂતોની સુખાકારી માટે APMCનું નવું મકાન, રેસ્ટ હાઉસ તથા ખેડૂત કેન્ટીનનું નવ નિર્માણ કરવામાં આવ્યું હતું. આજરોજ આ ત્રણેય નવા પ્રકલ્પોનું લોકાર્પણ ભાજપના પ્રદેશ અધ્યક્ષ સી.આર.પાટીલ, નાયબ મુખ્ય દંડક દુષ્યંતભાઇ પટેલ, વાગરાના ધારાસભ્ય અરૂણસિંહ રણા, જિલ્લા પ્રમુખ મારુતિસિંહ અટોદરિયા, મંત્રી જગદીશભાઈ પંચાલ સહિતના આગેવાનોની ઉપસ્થિતિમાં કરવામાં આવ્યું હતું.

અન્ય સમાચારો પણ છે...