અકસ્માત:શુકલતીર્થમાં ચાલુ ટ્રેક્ટર રિવર્સ આવતા ડ્રાઇવર પર જ ચઢી ગયું, ડ્રાયવર ટ્રેક્ટર ચાલુ રાખીને પાણી પીવા ઉતર્યો હતો

ભરૂચ તાલુકાના શુકલતીર્થ ગામે ઈંટોના ભઠ્ઠા ઉપર કામ કરી રહેલા કામ કરી રહેલા ટ્રેક્ટરના ચાલક ઉપર ટ્રેક્ટર ચઢી જતાં ગંભીર ઇજાઓ પહોંચતા તેનું ઘટના સ્થળ ઉપર જ મોત નિપજ્યું હતું. ભરૂચ તાલુકાના શુકલતીર્થ ગામે બીબીસી ઈટોના ભઠ્ઠા ઉપર ડ્રાઇવર તરીકે અનિલ ઈશ્વરભાઈ વસાવા કામ કરતો હતો. બુધવારે બપોરના સમયે તેઓ ટ્રેક્ટર ચાલુ રાખીને પાણી પીવા નીચે ઉતર્યો હતા.તે દરમિયાન ટ્રેક્ટર અચાનક પાછળ રિવર્સ આવતા તેને રોકવા અનિલ વસાવાએ ઘણાં પ્રયાસો કર્યા હતા.

પરંતુ ટ્રેક્ટર રોકાયું ન હતું અને ટ્રેક્ટર અનીલ વસાવા ઉપર ચઢી જતા તેમને શરીરે ગંભીર ઇજાઓ પહોંચી હતી.જોકે તેમને સારવાર મળે તે પહેલાં જ ઘટના સ્થળ ઉપર તેમનું મોત નીપજ્યું હતું.બનાવની ઘટનાની જાણ શુક્લતીર્થ પોલીસે થતા તેમણે ઘટના સ્થળે દોડી આવી અકસ્માત મોતનો ગુનો નોંધી મૃતદેહનું પોસ્ટમોર્ટમ અર્થે ખસેડી વધુ તપાસ હાથ ધરી છે.