તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

હડતાલ:વાલિયા તાલુકાના ઈન સર્વિસ તબીબો અચોક્ક્સ મુદતની હડતાળ પર ઉતર્યા, મેડીકલ સેવા સહિતની રસીકરણ પ્રક્રિયાને અસર પહોંચી

ભરૂચ3 મહિનો પહેલા
  • કૉપી લિંક
  • સરકારની હૈયાધારણા બાદ પણ પ્રશ્નોના ઉકેલ ના આવતા હડતાળ પર ઉતર્યા

ગુજરાત ઇન-સર્વિસ ડોક્ટર્સ એસોસિએશનના નેજા હેઠળ વાલિયા તાલુકાના ઇન-સર્વિસ તબીબીઓની વિવિધ પડતર માંગણીઓ ન સ્વીકારતા આજથી તેઓ અચોક્કસ મુદ્દતની હડતાળ પર ઉતારી જતાં તાલુકામાં મેડિકલ સેવા સહિત રસીકરણની પ્રક્રિયા અટકી પડી છે.

ગુજરાત ઇન-સર્વિસ ડોક્ટર્સ એસોસિએશન દ્વારા વિવિધ પડતર માંગણીઓ મુદ્દે છેલ્લા ઘણા સમયથી લડત ચાવવામાં આવી રહી છે. અગાઉ તેઓએ વિવિધ જિલ્લા કક્ષાએ ભરુચ જિલ્લા કલેક્ટર,ધારાસભ્ય અને સાંસદ સભ્યોને વિવિધ 12 જેટલા પડતર પ્રશ્નો સ્વીકારી ન્યાય આપવામાં આવે તેવી માંગ કરી હતી.

તારીખ 31.05.2021ના રોજ અગ્રચિવ આરોગ્ય અને પરિવાર કલ્યાણ વિભાગના અધ્યક્ષ સ્થાને પડતર માંગણીઓના ઉકેલ માટે બેઠક યોજાઇ હતી જેમાં તમામ પડતર માંગણીઓ સ્વીકારવાની ખાતરી આપી આદેશો કરવામાં આવ્યા હતા ત્યારબાદ પણ આજદિન સુધી એક પણ આદેશ ન થયા હોવાના આક્ષેપ કરવામાં આવ્યા છે. ઇન-સર્વિસ તબીબો માંગણીઓ નહિ સ્વીકારાતા ગત તારીખ-19મી જૂનના રોજ એસોસીએશન દ્વાર ઇન-સર્વિસ તબીબોની ઓનલાઇન બેઠક મળી હતી જેમાં પ્રશ્નોની નિકાલ અને ન્યાય નહિ મળે તો 25મીથી અચોક્કસ મુદ્દતની હડતાળ પર ઉતારવાની ચીમકી ઉચ્ચારમાં આવી હતી જે ચીમકી બાદ પણ સરકાર દ્વારા તેઓના પ્રશ્નનું નિરાકરણ નહિ કરવામાં આવતા આજથી વાલિયા તાલુકાના તમામ ઇન-સર્વિસ તબીબી અચોક્કસ મુદ્દતની હડતાળ ઉપર ઉતરી પડ્યા છે. જેઓની હડતાળને પગલે મેડિકલ સેવા સહિત રસીકરણની પ્રક્રિયા અટકી પડી છે. જેને પગલે દર્દીઓ અને રસી લેવા આવેલ નાગરિકો હેરાન પરેશાન થઈ ઉઠ્યા હતા.

અન્ય સમાચારો પણ છે...