બોક્સિંગમાં ગૌરવ:પૂણેમાં રમાયેલી કિક બોક્સિંગ ચેમ્પિયનશીપમાં ગુજરાત રાજ્યના સ્પર્ધકોએ 13 મેડલ મેળવ્યાં

ભરૂચ15 દિવસ પહેલા
  • કૉપી લિંક
  • વાંકો ઇન્ડિયા નેશનલ કિક બોક્સિંગ ચેમ્પિયનશીપમાં 1300 સ્પર્ધકોએ ભાગ લીધો હતો

મહારાષ્ટ્ર રાજ્યના પુણેના છત્રપતિ સ્પોર્ટ્સ કોમ્પલેક્ષના બોક્સિંગ હોલમાં વાંકો ઇન્ડિયા નેશનલ કિક બોક્સિંગ ચેમ્પિયનશીપનું આયોજન 27થી 30મી ડિસેમ્બર સુધી કરાયું હતું.આ ચેમ્પિયનશિપમાં ગુજરાત રાજ્યના વડોદરા, ભરૂચ, સુરત, વલસાડ સહિતના જિલ્લાઓના 1300 જેટલા સ્પર્ધકોએ ઉત્સાહભેર ભાગ લીધો હતો. વાંકો ઇન્ડિયા નેશનલ કિક બોક્સિંગ ચેમ્પિયનશિપમાં સ્પોર્ટ કિક બોક્સિંગ ગુજરાતના પ્રેસિડેન્ટ કોશી કલ્પેશ મકવાણા અને જનરલ સેક્રેટરી સીહાન ફરાહીમ મલેકના માર્ગદર્શન હેઠળ સ્પર્ધકોએ ભાગ લીધો હતો.

જયારે કોચ તરીકે ઇફ્તેખાર ખાન રફીક પટેલે હાજર રહીને માર્ગદર્શન પૂરું પાડ્યું હતું.આ સ્પર્ધામાં ગુજરાતના અબુબકર, પ્રેમ પટેલ,અકલિમ ખાન, શાહિદ ખાન,મોરનકર વૈભવ,નિકિતા સાલૂનકે,અમાન રાજપૂત,મોહિત મિશ્રા,નેવિદ રાજપૂત અને રિતેશ મહાદિક નામના સ્પર્ધકોએ ઉત્ક્ર્સ દેખાવ કરીને વિજેતા જાહેર થયા હતા. આ ચેમ્પિયનશીપમાં ગુજરાતના સ્પર્ધકોએ 07 ગોલ્ડ મેડલ,04 સિલ્વર મેડલ અને 04 બ્રોન્ઝ મેડલ મળીને કુલ 15 મેડલો મેળવીને ગુજરાત સહિત તેમના જિલ્લાઓનું ગૌરવ વધાર્યું છે.

અન્ય સમાચારો પણ છે...