મગર ઝડપાયો:ભરૂચ જિલ્લાના હલદરવા ગામે રહેણાંક વિસ્તાર નજીક એક તળાવમાંથી પાંચ ફુટના મગરનું રેસક્યું કરાયું

ભરૂચ જિલ્લાના હલદરવા ગામે રહેણાંક વિસ્તાર નજીક એક તળાવમાં આશરે પાંચ ફુટનો મગર હોવાની જાણ ગ્રામજનોએ ભરૂચ વનવિભાગ તેમજ જીવદયા પ્રેમીઓને કરતા તાત્કાલિક વનવિભાગના સહયોગથી પાંજરુ મુકવામાં આવ્યુ હતુ. ત્યારબાદ આજે વહેલી સવારે મગર પાંજરામાં સપડાયો હતો.

આ કાર્યમાં વનવિભાગના અધિકારીઓ તેમજ જીવદયાપ્રેમીઓ યોગેશ મિસ્ત્રી, રમેશ દવે, સંજય રાઠોડ, જયેશ કનોજીયા, અજય મિસ્ત્રી, વિનોદ વસાવા તેમજ ગુંજન વાસાવા દ્વારા મગરને રેસકયુ કરી તેના કુદરતી વાતાવરણમાં મુક્ત કરવાની કામગીરી કરવામાં આવી હતી. રહેણાંક વિસ્તારમાં મગર આવી ચઢતા લોકોના જીવ પડીકે બંધાયા હતા. જોકે મગર પાંજરે પુરાતા ગ્રામજનોએ હાશકારો અનુભવ્યો હતો.