માંગ:ભરૂચમાં સુપર સ્પ્રેડર શાકભાજી વિતરકો સામે કાર્યવાહીની માંગ

ભરૂચમાં સુપર સ્પેડર ગણાતા શાકભાજી વિતરકો માસ્ક અને સોશ્યલ ડિસ્ટંટીંગ જાળવ્યા વગર ધંધો કરી રહ્યા છે.જેના કારણે શહેરમાં વધુ કોરોના ફેલાય તેવી ભીતિ લોકો સેવી રહ્યા છે. માસ્ક વગર બેખોફ ધંધો કરતા આવા વિતરકો સામે તંત્ર લાલ આંખ કરીને દંડનીય કાર્યવાહી થાય તેવી લોકમાંગ ઉઠી છે.

કોરોના મહામારી વકરે નહીં તે માટે તંત્રએ માસ્ક ફરજીયાત કર્યા છે,ત્યારે પોલીસ માસ્ક નહિ પહેનારા સામે દંડનીય કાર્યવાહી કરી છે.ભરૂચ જિલ્લા પોલીસ તેમના પોલીસ મથકના વિસ્તારોમાં પેટ્રોલિંગ અને બંદોબસ્ત ગોઠવીને માસ્ક નહીં પહેનારા ઉપર લાલ આંખ કરીને દંડનીય કાર્યવાહી કરી રહ્યાં છે.ત્યારે સુપર સ્પેડર ગણાતા શાકભાજી વિતરકો ભરૂચ શહેરમાં જ્યાં જુવો ત્યાં માસ્ક વગર નજરે પડે છે.