જાહેરાત:ભરૂચની 73 સોસાયટીમાં વીજકાપનો નિર્ણય મોકૂફ

ભરૂચ શહેરમાં આજે સ્વામીનારાયણ ફીડર, સરયુ ફીડર, 66 KV પાંચબત્તી સબસ્ટેશનના કેટલાક વિસ્તારોમાં વીજકાપની જાહેરાત કરાઇ હતી. જોકે ડિજીવીસી ભરૂચ સીટી વેસ્ટ દ્વારા આજે ભરૂચની 73 જેટલી સોસાયટીઓમાં વીજકાપ રહેશે તેવી જાહેરાત કરાઇ હતી. જેેના કારણે આ વિસ્તારમાં વીજકાપને કારણે પાણી મળશે નહી તેવી નગરપાલિકાએ જાહેરાત કરી હતી. પરંતુ આજે સ્થાનિક સ્વરાજની ચુંટણીમાં ફોર્મ ભરવાની છેલ્લી તક છે

. વીજ કાપના નિર્ણયને જિલ્લા ચુંટણી અધિકારીએ સાંજે રદ કર્યો હતો. ચુંટણી ટાણે બે કચેરીઓ વચ્ચે સંકલનના અભાવે એક કચેરીએ પ્રસિદ્ધ કરેલા જાહેરનામાને અન્ય કચેરીએ રદ કરવી પડે છે. અત્રે ઉલ્લેખનિય છે કે ભરૂચ વીજવિભાગે આજે સવારે 8થી સાંજે 4 વાગ્યા સુધી વીજ પુરવઠાને સ્થગિત કરવાનો નિર્ણય કર્યો હતો. ચુંટણી પ્રક્રિયા પૂર્ણ થયા બાદ સંભવતઃ ફીડરોને સમારકામની કામગીરી આગામી દિવસોમાં શરૂ થશે.