સ્વાસ્થ્યની કસોટી:કુસ્તી ટુર્નામેન્ટમાં 25 કોલેજના સ્પર્ધકો જોડાયા

ભરૂચએક મહિનો પહેલા
  • કૉપી લિંક
  • ભરૂચના તપોવન સંસ્કાર કેન્દ્ર ખાતે બે દિવસીય કુસ્તી ટુર્નામેન્ટનું આયોજન

ભરૂચ નજીક આવેલ તપોવન સંસ્કાર કેન્દ્ર ખાતે કુસ્તીની ટુર્નામેન્ટનું આયોજન કરવામાં આવ્યું હતું. બે દિવસની આ કુસ્તી ટુર્નામેન્ટ માં 25 કરતા વધુ કોલેજના વિધાર્થીઓએ ભાગ લીધો હતો. ઉત્તમ પ્રકારની બુનિયાદી લોકરમત એટલે કુસ્તી એમ કહી શકાય. કુસ્તીએ આમ જનતાની દ્વંદ્વ રમત છે અને તેમાં વ્યક્તિનાં તાકાત, કૌશલ્ય, ચપળતા અને દમ,ખમ કસોટીની એરણે ચઢેલા છે. કુસ્તી એક યા અન્ય સ્વરૂપે વિશ્વવ્યાપી લોકરમત છે અને વિવિધ દેશોમાં લોકસંસ્કૃતિ-આધારિત શૈલી(style)આધારિત કુસ્તી તે શોખથી રમાય છે.

પ્રાચીન ભારતીય સંસ્કૃતિમાં મલ્લયુદ્ધ પ્રચલિત હતું આપણા શાસ્ત્રોમાં પણ ઉલ્લેખ કરવામાં આવ્યું છે એટલે જ ભારતભરમાં વિવિધ ગામોમાં કુસ્તી સ્પર્ધાનું પણ આયોજન કરાતું હોય જેના ભાગરૂપે આજરોજ ભરૂચ ના તપોવન સંસ્કાર કેન્દ્ર સંચાલિત વીર નર્મદ દક્ષિણ ગુજરાત યુનિવર્સિટી,સુરત સાથે સંયોજિત દીપ જ્યોતિ કોલેજ ઓફ કોમર્સ ભરૂચ ખાતે બે દિવસીય આંતરરાજ્ય કુસ્તી ટુર્નામેન્ટ નું આયોજન કરાયુ હતું જેમાં કુસ્તી ટુર્નામેન્ટમાં 25 થી વધુ વિવિધ કોલેજોના 70થી 80 વિદ્યાર્થીઓએ આ સ્પર્ધા માં ભાગ લઈ પોતાનો કૌશલ બતાવ્યું હતું.

આ પ્રસંગે તપોવન સંસ્કાર કેન્દ્ર ના પ્રમુખ દિનેશ પડ્યા,બીજેપી રમત ગમત સેલના મંત્રી પ્રશાંત પટેલ,વિવિધ કોલેજો ના ટીમ ના કોચ ,મેનેજરો સહિત કોલેજ દિપ જ્યોતિ કોલેજ ઓફ કોમર્સના ફીઝીકલ ઇન્સ્ટ્રકટર કરસન નિઝામા સહિતના લોકો ઉપસ્થિત રહી સ્પર્ધકોને પ્રોત્સાહિત કર્યા હતા.

અન્ય સમાચારો પણ છે...