ભરૂચ ભાજપાના જી.પ્રમુખના જન્મદિવસની અનોખી ઉજવણી:પાંજરાપોળ ખાતે ગૌ પૂજન તો ઘરડા ઘર ખાતે વડીલોનું સન્માન કરાયું

ભરૂચ જિલ્લાના ઉત્સાહી અને જોશીલા ભારતીય જનતા પાર્ટીના જિલ્લા પ્રમુખ ના જન્મદિવસ ની ઉજવણી કંઈક અનોખી રીતે પાર્ટીના કાર્યકરો અને હોદ્દેદારો દ્વારા કરવામાં આવી.

મારુતિસિંહ દ્વારા ભરૂચના જે.બી મોદી પાર્ક નજીક આવેલ પાંજરાપોળ ખાતે મુંગા પશુઓને ઘાસ ચારો ખવડાવી ગૌ માતાનું પૂજન-અર્ચન કરવામાં આવ્યું હતું.

ત્યારબાદ ભરૂચના કસક ખાતે આવેલ વડીલોના ઘર ખાતે ભારતીય જનતા પાર્ટીના અને કાર્યકરો દ્વારા જિલ્લા પ્રમુખ ના જન્મદિન નિમિત્તે વડીલો સાથે કેક કાપી, વડીલોને સાલ ઓઢાડી તેમજ વડીલોની સાથે જ પ્રીતિ ભોજન લઈ ઉજવણી કરાઇ હતી. આ પ્રસંગે મહામંત્રી નિરલભાઈ પટેલ, ફતેસંગભાઈ ગોહિલ, દક્ષાબેન પટેલ, જીગ્નેશભાઈ મિસ્ત્રી, નિશાંતભાઈ મોદી, અમિતભાઈ ચાવડા, કૌશિકભાઈ પટેલ, રાજેશભાઇ ચૌહાણ, નરેશભાઈ વાઘબકરી સહિત મોટી સંખ્યામાં હોદ્દેદારો તેમજ કાર્યકરોએ મારુતિસિંહ અટોદરિયાને પુષ્પગુચ્છ આપી જન્મદિવસની શુભકામનાઓ પાઠવી હતી.