લૂંટનો આરોપી ઝડપાયો:અંકલેશ્વર GIDC નિલેષ ચોકડી પાસે થયેલી મોબાઈલ ફોન લૂંટની ઘટનામાં એક ઇસમની ધરપકડ કરાઇ

અંકલેશ્વર GIDC પાસે આવેલ વર્લ્ડ ચોકડીથી નિલેષ ચોકડી તરફ જવાના માર્ગ પર પોતાના ઘરે જઇ રહેલા ઘના વસાવા લક્ષ્મી ઓટો બોડી બિલ્ડર્સ કંપનીના ગેટ પાસે પસાર થતાં દરમિયાન બે અજાણ્યા ઇસમો બાઇક નં.GJ-16-AE-4041 ઉપર આવી ઘના વસાવાને પથ્થર વડે માથાના ભાગે મારી ઇજાઓ પહોંચાડી હતી. બાદમાં બંને આરોપીઓ તેમનો ફોન લઈને નાસી છૂટયા હતા.

બનાવ સંદર્ભે અંકલેશ્વર GIDC પોલીસ મથકે ગુનો નોધવા પામ્યો હતો. પોલીસ તપાસ દરમિયાન હ્યુમન રિસોર્સ તેમજ ટેકનિકલ તપાસના આધારે લૂંટનો ગુનો ઉકેલી કાઢવામાં આવ્યો હતો. અને પોલીસે ગુનાને અંજામ આપનાર આરોપી લક્ષ્મણ ઉર્ફે લખી ભીમસીંગ સનમની ધરપકડ કરી છે. આરોપી મૂળ ધનગડી, નેપાળનો છે અને હાલમાં RBL કોલોની, જોગર્સ પાર્ક પાસે, GIDC અંકલેશ્વર ખાતે રહે છે. અંકલેશ્વર GIDC પોલીસે હાલ તો આરોપીની ધરપકડ કરી કાયદેસર કાર્યવાહી હાથ ધરી છે.