તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App

Adsથી પરેશાન છો? Ads વગર સમાચાર વાંચવા ઈન્સ્ટોલ કરો દિવ્ય ભાસ્કર એપ

સ્થાનિક સ્વરાજની ચૂંટણી:કોંગ્રેસમાં બળવા વચ્ચે ફોર્મ ભરાયાં AIMIMના ગઠબંધનનું સુરસુરિયું

ભરૂચ23 દિવસ પહેલા
  • કૉપી લિંક
ચૂંટણી માટે ફોર્મ ભરવાના આખરી દિવસે કલેક્ટર કચેરીએ ઉમેદવારો અને સમર્થકોની ભીડ જામી હતી. છેલ્લા દિવસે ફોર્મ ભરવા પડાપડી થઇ. - Divya Bhaskar
ચૂંટણી માટે ફોર્મ ભરવાના આખરી દિવસે કલેક્ટર કચેરીએ ઉમેદવારો અને સમર્થકોની ભીડ જામી હતી. છેલ્લા દિવસે ફોર્મ ભરવા પડાપડી થઇ.
  • જિલ્લા- તાલુકા પંચાયત, પાલિકાઓની 348 બેઠકો માટે 1498 ઉમેદવારો
  • કોંગ્રેસમાં બળવાખોરોના ડેમેજ કંટ્રોલ માટે 4 પટેલની ખોટ વર્તાઇ

સ્થાનિક સ્વરાજની ચૂંટણીમાં ભરૂચમાં જિલ્લા પંચાયતની 34 બેઠકો, 9 તાલુકા પંચાયતોની 182 તેમજ 4 નગરપાલિકાઓની 132 બેઠકો મળી કુલ 348 બેઠકો માટે યોજાનારી ચૂંટણીમાં ઉમેદવારી નોંધાવવાનો આજે અંતિમ દિવસ હતો. છ દિવસના અંતે કુલ 1498 ઉમેદવારોએ ફોર્મ ભરાયા છે. જેમાં માત્ર ભાજપ દ્વારા ઉમેદવારોની સત્તાવાર જાહેરાત કરવામાં આવી હતી. ભરૂચ જિલ્લામાં મોટા ઉપાડે ગઠબંધન કરનારી બીટીપી અને AIMIMના ગઠબંધનનું સુરસુરિયું થઈ ગયું હતું, ગણ્યાં ગાંઠ્યા ઉમેદવારો મેદાને ઉતારી આ બંને પક્ષોએ ચૂંટણી જંગમાંથી પીછેહઠ કરી હોય તેવું ચિત્ર સ્પષ્ટ જોવા મળ્યું હતું.

ચૂંટણીમાં પોતાના ઉમેદવારો ઉભા કરવાના સમિકરણોમાં સ્પષ્ટ નિર્ણય સાથે તમામ ઉમેદવારોના નામો જાહેર કરી દેવામા આવ્યાં હતાં. જોકે, કોંગ્રેસમાં આંતરિક બળવો ન થાય તે માટે પોતાના ઉમેદવારો જાહેર ન થતાં કેટલાંય કોંગ્રેસી આગેવાનો આજે ફોર્મ ભરવા માટે ચૂંટણી કચેરીએ પહોંચી ગયાં હતાં. કોંગ્રેસ કાર્યાલય ખાતે બળવાનું વાતાવરણ સર્જાયું હતું. આ તબક્કે ભરૂચ જિલ્લામાં કોંગ્રેસમાં 4 પટેલોની ખોટ વર્તાઇ હતી. ડેમેજ કંન્ટ્રોલર તરીકે સ્વ. અહમદ પટેલની ખાસ ભુમિકા રહેતી હતી.

ઉપરાંત ઝાડેશ્વરના સ્વ.જયેશ પટેલ, વાગરાના ધારાસભ્ય ઇકબાલ પટેલ તેમજ મહંમદ ફાસીવાલા (પટેલ)ની ખોટ વર્તાઇ હતી.બીટીપીએ AIMIM સાથે ગઠબંધન કરતાં જિલ્લાનું રાજકારણ ગરમાય તેવી શક્યતાઓ જણાઇ રહી હતી. મોટાભાગની તમામ બેઠકો પર બીટીપી-AIMIMના ઉમેદવારો ઉભા રહે તેવી લોકો આશા વ્યક્ત કરી રહ્યાં હતાં. મળતાં આંકડા મુજબ બીટીપીના માત્ર 156 અને AIMIMના માત્ર 21 જ ઉમેદવાર ઉભા રહેતાં અનેક તર્કવિતર્ક સર્જાયાં હતાં.

ઉમેદવારોનું સરવૈયું, 1498 પૈકી 1315 ઉમેદવારો

ભરૂચ જિ.પં.( 147 ઉમેદવારો)

ભાજપ57
બીટીપી26
કોંગ્રેસ46
એનસીપી1
AAP2
AIMIM2
અપક્ષ11

ભરૂચ પાલિકા ( 72 ઉમેદવારો)

ભાજપ46
બીટીપી1
કોંગ્રેસ17
એનસીપી1
AIMIM4
અપક્ષ3

આમોદ પાલિકા ( 96 ઉમેદવારો)

ભાજપ44
કોંગ્રેસ19
બીટીપી6
AIMIM4
અપક્ષ23

અંક્લેશ્વરપાલિકા (101 ઉમેદવાર)

ભાજપ32
કોંગ્રેસ39
બીટીપી15
બીએસપી4
એએપી2
અપક્ષ9

જંબુસરપાલિકા (117 ઉમેદવારો)

ભાજપ35
કોંગ્રેસ20
બીટીપી1
એનસીપી1
અપક્ષ60

આમોદ તા.પં.( 77 ઉમેદવારો)

ભાજપ31
કોંગ્રેસ32
બીટીપી6
AIMIM3
આપ2
અપક્ષ3

અંક્લેશ્વર તા.પં.-(111 ઉમેદવારો)

ભાજપ50
કોંગ્રેસ45
બીટીપી6
AIMIM2
અપક્ષ7

ભરૂચ તા.પં.( 128 ઉમેદવારો)

ભાજપ58
કોંગ્રેસ48
બીટીપી4
બીએમપી1
AIMIM3
એએપી5
એનસીપી1
અપક્ષ8

હાંસોટ તા.પં.( 62 ઉમેદાવાર)

ભાજપ30
કોંગ્રેસ30
અપક્ષ2

જંબુસર તા.પં.(89 ઉમેદવાર)

ભાજપ42
કોંગ્રેસ30
બીટીપી4
AIMIM1
એએપી1
અપક્ષ11

ઝઘડિયા તા.પં.(104 ઉમેદવાર )

ભાજપ34
કોંગ્રેસ28
બીટીપી41
અપક્ષ1

નેત્રંગ તા.પં.( 58 ઉમેદવારો )

ભાજપ18
કોંગ્રેસ16
બીટીપી20
અપક્ષ4

વાગરા તા.પં.(82 ઉમેદવારો )

ભાજપ35
કોંગ્રેસ31
બીટીપી2
AIMIM3
એએપી4
અપક્ષ7
વાલિયા તા.પં.
ભાજપ26
કોંગ્રેસ21
બીટીપી24
અપક્ષ2

ચૂંટણીમાં સૌથી વધુ ફોર્મ ભાજપના ભરાયાં
સ્થાનિક સ્વરાજની ચૂંટણીમાં કુલ 1498 ઉમેદવારોએ ફોર્મ ભર્યાં છે. જે પૈકી 1315 ફોર્મની વિગતોનું વિશ્લેષણ કરવામાં આવતાં તેમાં ભાજપે સૌથી વધુ 538 ફોર્મ ભર્યાં હતાં. જ્યારે કોંગ્રેસમાંથી 422, બીટીપીમાંથી 156 તેમજ AIMIM પાર્ટીમાંથી 21 ઉમેદવારોએ ફોર્મ ભર્યાં છે. જ્યારે એનસીપીમાં 4, AAP માં 18, BSP માં 4, BMPમાંથી 1 અને અપક્ષમાંથી 151 ઉમેદવારોએ ફોર્મ ભર્યાં છે.

જિલ્લા-તાલુકા પંચાયત, પાલિકામાં 1498 ઉમેદવારો
ગત સોમવારે 8મી ફેબ્રુઆરીથી જિલ્લાની સ્થાનિક સ્વરાજની સંસ્થાઓ માટે ઉમેદવારી ફોર્મ ભરવાની શરૂઆત કરવામાં આવી હતી. જોકે, દરેક પક્ષે અંતિમ ત્રણ દિવસમાં જ પોતાના ઉમેદવારો ઉભા કર્યાં છે. જેમાં ભરૂચ જિલ્લા પંચાયતની 34 બેઠકો માટે 159, 9 તાલુકા પંચાયતની 182 બેઠકો માટે 981 અને 4 નગરપાલિકાઓ માટે 558 ઉમેદવારોએ તેમના ફોર્મ ભર્યાં છે.

અન્ય સમાચારો પણ છે...

    આજનું રાશિફળ

    મેષ
    Rashi - મેષ|Aries - Divya Bhaskar
    મેષ|Aries

    પોઝિટિવઃ- આર્થિક દૃષ્ટિએ આજનો દિવસ તમારા માટે કોઇ સફળતા લઇને આવી રહ્યો છે, તેને સફળ બનાવવા માટે તમારે દઢ નિશ્ચયી થઇને કામ કરવાનું છે. થોડા જ્ઞાનવર્ધક તથા રોચક સાહિત્ય વાંચવામાં સમય પસાર થશે. નેગેટિ...

    વધુ વાંચો