વિતરણ:ખેડૂતોને સજીવ ખેતી તરફ વાળવા માટે કૃષિ બીજ અને રોપાનું વિતરણ કરવામાં આવ્યું

આદિત્ય બિરલા કોમ્યુનિટી ઈનીસીએટીવ અને ગ્રામીણ વિકાસ કેન્દ્ર, ગ્રાસીમ ઈન્ડસ્ટ્રીઝ - વિલાયત યુનિટ દ્વારા સીએસઆર કાર્યક્રમ હેઠળ વિવિધ પ્રોજેક્ટનું અમલીકરણ આસપાસના ગામોમાં લોકભાગીદારી સાથે કરવામાં આવી રહ્યા છે. ગ્રાસિમ કૃષિ પ્રોજેક્ટ અંતર્ગત ખેડૂતોને બીજ તથા બાગાયતી રોપા આપી કૃષિ વૈજ્ઞાનિકો દ્વારા માર્ગદર્શન - તાલીમ સાથે તેનું ઉત્પાદન વધે અને સજીવ ખેતી તરફ વળે તેવા પ્રયત્નો કરવામાં આવે છે. આ વર્ષે બાગાયતી પાકોના 2000થી વધારે રોપા ખેડૂતોને વિતરણ કરવામાં આવ્યા હતા. અત્યાર સુધીમાં આ કૃષિ પ્રોજેક્ટ હેઠળ 20 ગામોના 372 ખેડૂતોને 15 હજારથી વધારે બાગાયતી રોપાઓનું વિતરણ કરવામાં આવ્યું છે. છેલ્લા બે વર્ષથી ખેડૂતો સારું કૃષિ ઉત્પાદન મેળવી રહ્યા છે. ચાલુ વર્ષે જુદી જુદી શાકભાજીના દેશી બિયારણ 100થી વધારે ખેડૂતોને આપ્યા હતા.