ધરપકડ:મહારાષ્ટ્રથી કરજણ દારૂ લઇ જતો ટેમ્પો ડ્રાઇવર ઝડપાયો

મહારાષ્ટ્રથી દારૂનો જથ્થો ભરીને કરજણ ખાતે લઇ જતાં એક ટેમ્પો ચાલકને ભરૂચ એ ડિવિઝન પોલીસે હાઇવે પર વડદલા પાસેથી ઝડપી પાડ્યો હતો. પોલીસે તેના ટેમ્પોમાંથી 37 હજારનો દારૂ તેમજ ટેમ્પો સહિત 1.97 લાખનો મુ્દામાલ જપ્ત કર્યો હતો.

ભરૂચ એ ડિવિઝન પોલીસની ટીમ હાઇવે પર ચેકિંગમાં હતી તે વેળાં એક ટેમ્પો ચાલક ટેમ્પોમાં દારૂની હેરાફરી કરી રહ્યો છે. જેના પગલે ટીમે વડદલા પાસે વોચ ગોઠવી હતી. દરમિયાનમાં બાતમી મુજબનો એક ટેમ્પો ત્યાંથી પસાર થતા તેને અટકાવી તલાશી લેતાં ટેમ્પોમાંથી કુલ 37 હજારનો દારૂનો જથ્થો મળી આવ્યો હતો. પોલીસે તેની પુછપરછ કરતાં તેનું નામ ચેતન જગન મરાઠે (રહે. નંદુરબાર, મહારાષ્ટ્ર) હોવાનું જણાયું હતું. ઉપરાંત તેણે મહારાષ્ટ્રના મુંબઇથી દારૂ ભરી લાવી કરજણના ગોલ્ડન હોટલ પાસે એક શખ્સને આપવાની કબુલાત કરી હતી. જેથી પોલીસે તેની ધરપકડ કરી દારૂ તેમજ ટેમ્પો અને મોબાઇલ સહિત કુલ 1.98 લાખનો મુદ્દામાલ જપ્ત કર્યો હતો.