મુદ્દામાલ જપ્ત:જંત્રાણ ગામની સીમમાંથી જુગાર રમતા 9 ખેલી ઝડપાયા : 3 ફરાર

જંબુસરના જંત્રાણ ગામની સીમમાં ચાલતા જુગારધામ પર કાવી પોલીસ દરોડો પાડતા જુગારીયામાં દોડધામ મચી ગઇ હતી. જેમાં 9 જુગારીયાઓને ઝડપાઇ ગયા હતા જ્યારે ત્રણ ફરાર થઇ ગયા હતા. પોલીસે જુગારીઓ પાસેથી 56 હજારનો મુદ્દામાલ જપ્ત કર્યો છે. જંબુસરના જંત્રાલ ગામની સીમમાં આવેલી લાવડી તલાવડી પાસે કેટલાક શખ્સો જુગાર રમી રહ્યા હોવાની બાતમી કાવી પોલીસને મળી હતી. જેના આધારે ટીમે દરોડો પાડતા જુગારીઓમાં દોડધામ મચી ગઇ હતી. જેમાં સોલંકી ઈકબાલ રાજભા, હલદરવા અસલમ ગુલામ, જાવીદ ઉર્ફે ખલીફા રસીદ મલેક, ઈરફાન ઈબ્રાહીમ પટેલ,

મલેક જાવીદ ઈબ્રાહીમ, પટેલ ઇરફાન અબ્દુલ, મલેક આમિર રસુલ , ખીલજી મોહસીન ઉસ્માન ,અનવર અબ્દુલ પટેલ આબાદ ઝડપાઇ ગયા હતા. જ્યારે ઇલ્યાસ અબ્દુલ ખીલજી, શબ્બીર બસીર ખીલજી અને ઇરફાન આદમ પટેલ ફરાર થઇ ગયા હતા. પોલીસે ખેલીઓની અંગઝડતી તથા દાવ પરના મળીને 56 હજારનો મુ્દ્દામાલ જપ્ત કરી આગળની કાર્યવાહી હાથ ધરી છે.