કોરોના બેકાબૂ:ભરૂચમાં કોરોના પોઝિટિવના વધુ 6 કેસ, 660 લોકોના સેમ્પલ લીધા

ભરૂચ શહેર જિલ્લામાં કોરોનાના કેસોમાં સતત ઘટાડો નોંધાઇ રહ્યો છે. જેના કારણે જિલ્લા આરોગ્ય વિભાગને રાહત સાંપડી છે. જિલ્લામાં બુધવારે પણ કોરોનાના માત્ર 6 કેસ નોંધાતાં જિલ્લાનો કુલઆંક 3453 પર પહોંચ્યો હતો. જિલ્લામાં અત્યાર સુધીમાં 3340 લોકો કોરોનાને હરાવી સાજા થયાં છે.

ભરૂચ શહેર જિલ્લામાં કોરોનાના કેસોની સંખ્યામાં સતત ઘટાડો નોંધાઇ રહ્યો છે. જેના આરોગ્ય વિભાગમાં આંશિક દરે રાહત સાંપડી છે. બુધવારે પણ જિલ્લામાં માત્ર કોરોના પોઝિટિવના નવા 6 કેસ નોંધાતા પોઝિટિવનો કુલ આંક 3453 પર થયો હતો. જિલ્લામાં અત્યાર સુધી કોરોનાને મ્હાત આપતા કુલ 3340 લોકોને હોસ્પિટલમાંથી રજા આપવામાં આવી છે.જ્યારે હાલમાં 81 લોકોને સારવાર હેઠળ છે. જિલ્લામાં બુધવારે કોઇ મોત નોંધાયું ન હતું. જ્યારે સરકારી દફ્તરે અત્યાર સુધી માત્ર 32 લોકોના કોરોનાથી મોત નિપજ્યા હોવાનું નોંધાયું છે. જિલ્લામાંથી વધુ 660 શંકાસ્પદ લોકોના સેમ્પલ લઇને તપાસ અર્થે મોકલવામાં આવ્યા છે.