કોરોના બેકાબૂ:ભરૂચમાં બપોરે 3 વાગ્યા સુધી કોરોનાના 3 કેસ : એકનું મોત

ભરૂચ જિલ્લામાં કોરોનાના કેસોમાં સતત ઘટાડો નોંધાઇ રહ્યો છે. આજે શનિવારે પણ બપોરના 3 વાગ્યા સુધીમાં માત્ર 3 નવા કેસ નોંધાતાં જિલ્લાનો કુલ આંક 2851 થયો હતો. જેમાં અંક્લેશ્વરમાં 2 તેમજ ભરૂચમાં 1 કેસ નોંધાયો હતો. જોકે, ખાનગી હોસ્પિટલોમાં થયેલાં ટેસ્ટના આંકડા હજી સુધી તંત્ર પાસે પહોંચ્યાં ન હતાં. જિલ્લામાં આજે 5 લોકો સાજા થતાં અત્યાર સુધીમાં 2751 લોકોને રજા આપવામાં આવી છે.જ્યારે હાલમાં 23 લોકો હોમ આઇસોલેશનમાં જ્યારે 46 લોકો કોવિડ હોસ્પિટલમાં સારવાર હેઠળ છે. જિલ્લામાં આજે કોરોનાની સારવાર વેળાં એક દર્દીનું મોત થયું હોવાના અહેેવાલ સાંપડી રહ્યાં છે.