અકસ્માત:મિત્રના જન્મ દિવસની કેક લઇ આવતા યુવકનું મોત

નેત્રંગના ચાસવડ ગામે મિત્રના જન્મદિવસની કેક લઈ પરત આવતા યુવકને કાળ ભરખી ગયો. નેત્રંગના મૌઝા ગામના બે યુવાન મિત્રની બર્થડે ઊજવવા માટે નેત્રંગથી કેકનો ઓડર લઈ પરત ફરી રહ્યાં હતાં. ત્યારે ચાસવડ પાસે શેરડી ભરીને ઊભેલા ટેક્ટ્રરના પાછલા ભાગ સાથે બાઈક અથડાતાં 25 વર્ષીય રિતેશ રણજીત વસાવાનું ઘટનાસ્થળે જ મોત નીજ્યું હતું. જયારે પાછળ બેઠેલા એકને પગમાં ઈજા પહોંચી હતી.મૌઝાનાં 25 વર્ષીય રિતેશ રણજીત વસાવા અને ધર્મેશ વસાવા મોપેડ પર મિત્રના જન્મદિવસની કેક લઈ પરત આવતા સમયે ચાસવડ પાસે શેરડી ભરીને ઊભેલા ટેક્ટ્રરના પાછલા ભાગે અથડાયા હતાં. ઊભેલા ટેક્ટ્રર સાથે વિચિત્ર અકસ્માતમાં નવા મોપેડને ખરોચ પણ આવી નોહતી જ્યારે રિતેશ ટેક્ટ્રર પાછલા ભાગે અથડાઈને 20 ફૂટ આગળ પટકાયો હતો. જ્યાં માથાના આગલા ભાગે ગંભીર ઈજા પહોંચતા ઘટના સ્થળે જ મૃત્યુ થયું હતું.