ફરિયાદ:ડણસોલીના સરપંચ-પુત્રનો પંચાયત સભ્ય ઉપર હુમલો

વાલિયાના ડનસોલીના સરપંચ અને પુત્રનો ગામના પંચાયત સભ્ય ઉપર હુમલો કર્યો હતો. આરટીઆઈ થી માહિતી માંગતા મામલો બીચકયો હતો. જ્યાંઆરટીઆઈથી માહિતી કેમ માંગી એમ કહી પંચાયતમાંથી બહાર ડસડીને ઢોરમાર માર્યો હતો. ઝપાઝપી દરમ્યાન સરપંચે અમિત વસાવાની સોનાની ચેઇન લૂંટી લીધી હતી.

ડણસોલી ગામના સભ્ય અમિત વસાવાએ ડણસોલી ગામની અંદર જ પ્લોટ વેચાણથી ખરિદ્યો હતો. ગ્રામ પંચાયત માં પ્લોટ નામે કરવા માટે અરજી આપી હતી. પરંતુ અરજી આપ્યા ના ત્રણ વર્ષ બાદ પણ પ્લોટ નામે નહિ થતા ટીડીઓ ને રજુવાત કરવામાં આવી હતી. જ્યાં આરટીઆઈ થી માહિતી માંગતા સમગ્ર બાબત ખુલી હતી. જ્યાં ટીડીઓનું દબાણ આવતા ગ્રામપંચાયતના તલાટીએ નિરાકરણ માટે સરપંચને બોલાવ્યા હતા. જ્યાં સરપંચ કાંન્તુ વસાવા અને તેના દીકરા જીતેન્દ્ર વસાવાએ ઉશ્કેરાટ માં અમિત વસાવા ઉપર હુમલો કરી દીધો હતો.

અમિત વાસાવાને આંખ ના ભાગે અને કપાળના ભાગે ગંભીર ઇજા પોહચી હતી. ઇજાગ્રસ્ત અમિતને સારવાર અર્થે ભરૂચ સિવિલમાં રેફર કરવામાં આવ્યો હતો. બનાવ અંગે પોલીસે ગુન્હો નોંધી આરોપીને પકડી પાડવા ચક્રો ગતિમાન કર્યાં હતાં.