માંગ:નેત્રંગમાં કરિયાણાના વેપારી કોરોનાના સુપર સ્પ્રેડર બન્યા

નેત્રંગ તાલુકામાં છેલ્લાં પંદર દિવસમાં કોરોનાંના પોઝીટીવ કેસમાં ધરખમ વધારો થયો છે. બુધવારે પણ 10 જેટલા લોકોના ટેસ્ટ કર વામાં આવ્યાં હતાં. જેમાંથી વધુ એકનો કોરોનાં પોઝિટિવ આવ્યો હતો. આમ કુલ 7 જેટલા એક્ટિવ તમામને હોમ કોરેન્ટાઇન કરવામાં આવ્યાં હતાં. છેલ્લા 15 દિવસના સમયમાં નેત્રંગ તાલુકામાં દિન પ્રતિદિન કોરોનાના કેસો માં ધરખમ વધારો થઈ રહ્યો છે ત્યારે નેત્રંગ ટાઉનમાં આરોગ્ય વિભાગ વડે ફરી હેલ્થ કાર્ડની કામગીરી ફરી ચાલુ કરે એવી લોકમાંગ ઉઠી છે. કરિયાણાના મોટા વેપારી કોરોના સંક્રમિત થતા ને કોરના સુપર સ્પેડર બન્યાં હોવાનું ચર્ચાઈ રહ્યું છે. આ સુપર સ્પેડરના કારણે અન્ય કેટલાં લોકો કોરોના સંક્રમિત થયાં હશેએ પણ સવાલ ઊભો થયો છે. ત્યારે આગામી સમયમાં આરોગ્ય વિભાગ કેવા પગલાં ભરશે તે હવે જોવુ જ રહ્યું.