અકસ્માત:કેલ્વીકુવા સ્ટેશન પાસે ડમ્પરે બાઈકને અડફેટે લેતાં યુવકનું સ્થળ પર જ મોત

નેત્રંગ-વાડી રોડ ઉપર આવેલા કેલ્વીકુવા ગામના સ્ટેશન નજીક ડમ્પર ચાલકે એક બાઈકને અડફેટે લેતાં ઘટનાસ્થળે જ યુવકનુ કમકમાટી ભર્યું મોત નિપજયું હતું. જ્યારે આજ સ્થળ નજીક 36 કલાક પેહલા જ મળસ્કે રોડ સાઈડમાં ઊભેલી ટ્રકમાં પાછળથી વાન ઘુસી જતાં અકસ્માત સર્જાયો હતો.શનિવારે બપોરે મૌઝા ગામનો બિપીન દિપસિંગ વસાવા નેત્રંગ ખાતે કામ અર્થે ગયો હતો.

કામ પતાવી ગામ તરફ રીટર્ન થતાં કેલ્વીકુવા ગામના સ્ટેશન નજીક અજાણ્યાં ડમ્પર ચાલકે અડફેટે લેતાં માથાના ભાગે ગંભીર ઈજા પહોંચી હતી. ગંભીર ઈજાના પગલે યુવકનુ ધટનાસ્થળે જ કમકમાટીભર્યું મોત નિપજયું હતું. રોડ ઉપર આગળ પાછળ કોઈ વાહન ચાલક ન દેખાતાં તકનો લાભ લઈ અજાણ્યો ડમ્પર ચાલક ફરાર થઈ ગયો હતો.