પ્રદૂષિત પાણી:ઝઘડિયા GIDCની ગટરમાંથી ફીણ જેવું પ્રવાહી જાહેરમાં વહ્યું

ઝઘડીયા જીઆઇડીસીમાં આવેલા ઉદ્યોગ સંચાલકો દ્વારા પર્યાવરણની પરવા કર્યા વગર આડેધડ વિવિધ પ્રકારના કેમિકલનું ઉત્પાદન કરવામાં આવી રહ્યું છે. ગતરોજ મોડીરાત્રે જીઆઇડીસીના જાહેર રોડ પર જીઆઇડીસીનું અથવા કોઈ ખાનગી કંપનીની લાઈનનુ ચેમ્બર ઓવરફલો થતું જણાય આવ્યું હતું.

રોડને અડીને આવેલા આ ચેમ્બરમાંથી મોટા પ્રમાણમાં કોઈ પ્રદૂષિત ફીણ ચેમ્બરમાંથી ઉભરાઈ રહ્યું હતું. ચેમ્બરમાંથી ઉભરાયેલા કેમિકલનું ફિણ જાહેરમાં પ્રસર્યું હતું. ઘટનાના કલાકો બાદ પણ ચેમ્બરમાંથી ઉભરાતું પ્રદૂષિત ફીણ અટકાવવામાં આવ્યું નથી.